餐前welcoming drink賣相別緻，味道有啲似西湯幾特別，前菜三小碟口味清爽，最鍾意上海烤麩非常開胃；燉湯清潤滋養，燉煮得宜，為後續主菜做好鋪墊。主菜中的「咕嚕蝦球」酸甜酥脆，蝦肉彈牙；「水煮牛肉」則是辣香撲鼻，牛肉嫩滑，寬粉與蔬菜吸飽湯汁，麻辣中見層次，十分過癮。
主食的「點心拼盤」精緻多樣，包括佢哋招牌嘅流奶包。甜品可自選我哋揀咗薑汁湯圓同木瓜燉雪耳，兩者都好好食，為整餐畫上美好句點。
原價八百多元，推廣價僅$598（兩位用），性價比相當高。雖然需另加茶芥與服務費，但整體菜式豐富、味道出色，無論是情侶約會或好友共聚，都是值得推薦的套餐選擇。
