Interval | Farmacy (數碼港商場) (已結業)

呢間數碼港既餐廳都係以簡約設計為主，簡單既設計就已經俾到顧客好舒服既感覺。前菜先試呢個加錢Upgrade既布拉塔沙律，沙律中間就係一舊好大舊嘅布拉塔芝士，好新鮮好香，芝士味好重，食得出羊奶芝士既味，蕃茄同埋下面嘅青醬都配合得好好，咁樣食唔會太溜，反而幾開胃！主食叫佐兩個意粉，一個係布拉塔芝士蕃茄大通粉，濃厚嘅芝士同蕃茄係最夾嘅，意粉除咗用蕃茄醬整亦都真係有新鮮蕃茄，所以味道都好新鮮好天然，通粉更加吸收到啲汁嘅味道，成個意粉酸酸甜甜，都係好開胃！另一個就係意式肉醬大通粉，呢個嘅肉醬整得好好，啲肉好腍，口感好好，亦都有好多芝士，味道濃香，同啲通粉都係好夾，食完成口都係芝士同埋肉醬嘅香味！