千両 (世紀廣場)

营业中

休息中

臨去領事館整野，又有d 時間，所以諗住食左野先！無諗過響中環12點左右揾野食都要等成十張枱𠺢。好耐無食過壽司，又諗起呢度有一間，所以就上去喇。結果都等左20幾分鐘先至有得食。坐迴轉枱，轉極都係三色壽司。亦有三文魚腩！仲有牛膀條。三樣都有食！三文魚腩都幾肥，兩舊入面一舊半肥瘦，比較啱我食。牛膀條偏咸。見無其他野就響menu 叫野。焗蠔，粒蠔超細粒。反而三文魚籽既味仲重。鵝肝。比起另一間連鎖壽司店既薄。除左中間位厚小小之外。或者係咁，就做到邊位脆中間creamy 既感覺。蝦肉蟹膏，都係無另一連鎖店做既蟹肉蟹肉好食。或者因爲蝦味偏淡，蟹膏味濃完全蓋過蝦味。臨尾加一個牛肉鍋結尾！