伊賀日本燒肉料理 (已結業)

難得有個長週末，約了朋友去食日本燒肉放題，hea 番一個中午。餐廳位於尖沙啞赫德道一座商廈樓上，地方寬敞，甚具和風。抽氣設備先進，絕對唔怕會有油煙，亦唔怕食完之後周身一陣除。一坐低，我哋都未落order，職員已經送上一碟 “頭盤” 俾我哋燒住燒。碟上有雞翼、辛辣海鮮醬豬頸肉、一口牛、薄切裡肌肉、五花肉。果然好味! 這碟 “頭盤” 對我哋之後落order絕對起到參考作用。落order採用平板電腦，方便又環保，嘢食選擇非常多，在電腦上面篤幾下，等一陣，啲嘢食就到，超高效率，抵讚!我哋又食咗幾round 唔同嘅燒肉，豬、牛、雞都食勻，真係食得好暢快。另外，除咗食燒肉，我哋都咗其他嘢，例如炸物、壽司、刺身。薯格:炸得好香脆。唐楊炸雞:炸得夠乾身，啖啖肉，醃得味道又好。迷你芥末八爪魚軍艦：粒粒八爪魚肉好爽口。火灸牛拖羅壽司:牛拖羅入口即溶。蒲燒秋刀魚板壓:秋刀魚燒得好香，入口質感唔錯。帶子刺身:新鮮、鮮甜。前前後後，食咗兩粒鐘，食到飽晒之後，最好就係返屋企眠一眠，這就是放假的最好節目了。