丼瀛 (已結業)

好明顯呢間野的好評大部份係打手寫出黎！😡😡😡中晒伏，超失望！同男朋友中午去食，叫左兩個丼，送左兩碗miso soup.... 但好抱歉！真係難食到不能！首先我唔介意你個湯開出黎開到水咁淡，但個丼..... 我真係完全唔知自己咬緊d 乜！片油甘魚、帶子 係完全無味道，塊赤貝....我直頭覺得好似咬緊一舊臭臭地的洗碗海棉，立刻要吐返出黎。 男朋友果碗丼有吞拿魚，咬落係冰的！好明顯未溶夠雪...... d 飯又硬！我地個丼食到一半已經驚自己會有肚痛的可能，即刻放低筷子走。留意到隔離枱個伯伯，食左1/3 都無亦立刻閃人........ 認真講，$200我地去隔離街食澳牛都無咁嬲！！