Holy Chef (已結業)

尋日食完，屋企人叫我記得俾個「劣評」俾呢個餐廳，主要原因係價格太貴，但質素麻麻，完全係中伏。因為要去附近整啲野，所以黎左呢度食brunch，點知一望menu，哇都幾貴喎，飲品約$40-60，包/三文治約$60-70，pizza同意粉都超過$100。選擇好少，包/三文治只有三款，pizza兩款，意粉只有五、六款。不過都坐底左，算啦，openrice咁多好評，可能好食呢？當支持下小店。我地三個人，叫左以下幾樣(名字及價錢可能有少少誤差)：兩杯milkshakes, 一杯叫鳳仙，另一杯叫Oreo lover 三文魚滑蛋牛角包 $68 ，唔會唔好食㗎，不過魚得少少，蛋就勁多，失望黑松露雜菌意粉 $98，醬太多麵太少，又冇乜黑松露香味香草雞肉意粉 $128 ，同Ok便宜店果啲差唔多，無論size定味道送三「杯」蕃茄湯，好鹹，好重味精味餐廳環境細，三個人坐二人枱，坐得辛苦！服務態度都唔好，樓面兩個女仔，一個好似好唔耐煩咁，另一個粗手粗腳，明明低頭飲緊飲品，佢一手伸埋黎要收碟，即係要讓佢，完全無cafe果種relax、寧靜嘅氣氛。其實呢間野嘅好評係咪靠廣告宣傳？朋友幫手推？反正我地絕對唔會再黎啦。