吉野家

营业中

休息中

勁耐冇食過吉野家，雖然屋企附近開左吉野家好耐，但幫襯次數少次有少。今日 lunch 諗唔到食咩，又唔想去太遠，就係屋企附近買左個外賣。去到岩岩好 11 點半轉午餐，本身諗住穩穩陣陣叫個和風牛肉丼，但見到有個三寶芝心漢堡扒咖哩雞牛肉丼，好似幾吸引就叫左，點知小中伏。$ 65 包野飲，小貴，外賣都算快，拎到番去係兩層飯盒，岩岩三種肉類分開三格。漢堡扒都算大塊，d 肉太厚同好鞋，肉味唔突出，芝士味都太膩。咖哩雞扒得果兩舊雞肉，d 咖哩都唔知撈唔撈落飯食好，同和風牛肉飯個味唔夾，同埋 d 飯都真係好硬下總之就係三樣餸完全唔夾，後悔叫錯左呢個餐。