影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
星期日带完小朋友游早水，我哋经常嚟吉野家食个靓早餐，好味又叉电，牛肉丼饭真系食极唔厌✨盐烧和牛丼已经系吉野家常驻美食，用嘅系M8-M9优质和牛✨为大家全力打气❗️洒上黑白芝麻同七味粉，每片牛肉烧到油脂发亮，卖相好吸引。入口肉嫩又有浓郁肉味，油花好香。饭面仲舖满紫菜丝同椰菜丝，增加口感同味道层次。我仲加左一只漫泉蛋，戳穿蛋黄捞埋食，味道又上一个level🆙👅另一份早餐嗌左野菜牛肉丼（大），呢个丼饭真系好啱小朋友食，有齐几款蔬菜：椰菜花、西兰花、甜豆、红萝卜🥕🥦，煮法唔煎炸油腻，配上香滑牛肉片，偏甜嘅调味小孩都中意食😋配埋嫩滑炒蛋+肠仔🍳早餐食得非常丰富。吉野家嘅全新早餐及下午茶系列餐牌，低至$20起就叹到靓早餐，真系超值！除左招牌和风牛肉丼同野菜煎鸡丼，吉野家更推出轻食之选「和风牛肉、嫩滑炒蛋配迷你饭/米粉」及「肠仔配嫩滑炒蛋米粉」，真系要多啲黎叹活力早餐先得😋🙌🏻
继续阅读
吉野家早餐好丰富！日式早餐：细牛肉饭+温泉蛋+关东煮+面豉汤+鲭鱼都只系40蚊！做新会员仲可以减5蚊！好味又丰富！早餐做到11：30，食完可以当埋lunch 又悭一餐！早餐之选！
继续阅读
所谓牛肉饭，三片肥牛，白饭一大碗。以为自己五穷六绝。啲嘢愈来愈缩水，好耐冇食，今日发觉而家碗饭系两沟米，唔系全珍珠米嚟，原来度数已经度到咁尽。最终靠牛肉汁捞饭爬埋碗饭，癫。总括评价如下···味道：肥牛味。环境：环境几好呀，因为冇乜人帮衬，唔洗同人迫陪人嘈。可惜我嗌外卖。服务：唔够人手。我去果阵得一个阿姐一脚踢，毕饭毕𩠌连水吧，d嘢饮已经预先斟好哂一杯杯喺度，拎到返归都冻哂。衞生：见唔到有咩问题。抵食：你见人流就知唔抵食啦。差唔多钱，想食肉去右边KFC，想食淀粉质去左边三哥。
继续阅读
劲耐冇食过吉野家，虽然屋企附近开左吉野家好耐，但帮衬次数少次有少。今日 lunch 谂唔到食咩，又唔想去太远，就系屋企附近买左个外卖。去到岩岩好 11 点半转午餐，本身谂住稳稳阵阵叫个和风牛肉丼，但见到有个三宝芝心汉堡扒咖哩鸡牛肉丼，好似几吸引就叫左，点知小中伏。$ 65 包野饮，小贵，外卖都算快，拎到番去系两层饭盒，岩岩三种肉类分开三格。汉堡扒都算大块，d 肉太厚同好鞋，肉味唔突出，芝士味都太腻。咖哩鸡扒得果两旧鸡肉，d 咖哩都唔知捞唔捞落饭食好，同和风牛肉饭个味唔夹，同埋 d 饭都真系好硬下总之就系三样𩠌完全唔夹，后悔叫错左呢个餐。
继续阅读
好耐冇来吉野家光顾呢二朝来吉野家食早餐天气炎热再来的主因是想饮冻斋啡因为早餐转冻饮唔使加钱A1 牛肉+炒蛋+茄汁豆+牛油多士+冻斋啡$32 另加汤乌冬$6B1 枫糖鸡扒+炒蛋+牛油多士+茄汁豆$31，会员价$28位于天耀商场内咁多间食肆的早餐多士，吉野家最岩我口味，松脆软熟好吃二次的多士出品都唔同，第一餐次烤得好靓外脆内软第二餐的多士好似冇烤到咁，白雪雪微暖唔脆以前来光顾，次次叫冻斋啡都会冲错，而家我怕左佢地冲错，一定要讲明「冻斋啡、走甜、走奶」，去到取餐处都要睇实姐姐冲，多口讲多次要「冻斋啡、走甜、走奶」以前试过好多次睇少一眼佢唔系加左奶，就一定会加糖
继续阅读