影片
更多
2020-02-20
426 浏览
服務評價：未試過食過咁垃圾嘅放題，一入到去除咗有時應帶位入去之外，之後就唔會有人理你。同D朋友坐咗一陣，我先見到枱上面有個label係要自己用電話落單。咁都算啦，落完單之後，啲嘢勁遲先黎不突止，落十張單起碼七張單都係漏咗。最離譜嘅係，我哋八點左右入座，食左個幾鐘之後都已經飽，佢啲嘢先開始係咁黎。冇嘢啊？你唔想整俾人食慳返啲材料咁你咪直接skip咗張單囉，啲野食仲要係咁黎，浪費食物。我朋友就比較鍾意食飯，所以就叫咗一碗白飯，再加海南雞加皮蛋（唔好問點解會咁叫），但係好好笑嘅嘢就係嚟咗碗白飯，海南雞同皮蛋過咗成二十幾分鐘先黎，飯都食完，碟餸可以過左成四個字先黎？講出嚟笑大人地個口啦？食物質素：除咗係蝦大隻啲之外，我諗唔到邊一樣食物係叫比較出眾。首先佢啲串燒乾爭爭，硬到石頭咁。雞翼都叫正常嘅，但係唔會係好食囉。另外就係炸物（我哋叫咗天婦羅、雞軟骨、炸蝦餅）所有嘢都可以係無醬，唔明白呢啲咁基本嘅嘢點解可以冇。之後就係刺身，食落去好似都唔係好新鮮（未到發臭），有一種令人唔想食第二舊嘅感覺。仲有一樣就係感覺上係放咗一段時間先拎出嚟俾人食，食落去啲嘢已經變暖咗。餐廳格局：好迫，冷氣好焗，入口好窄，行
食物質素：除咗係蝦大隻啲之外，我諗唔到邊一樣食物係叫比較出眾。首先佢啲串燒乾爭爭，硬到石頭咁。雞翼都叫正常嘅，但係唔會係好食囉。另外就係炸物（我哋叫咗天婦羅、雞軟骨、炸蝦餅）所有嘢都可以係無醬，唔明白呢啲咁基本嘅嘢點解可以冇。之後就係刺身，食落去好似都唔係好新鮮（未到發臭），有一種令人唔想食第二舊嘅感覺。仲有一樣就係感覺上係放咗一段時間先拎出嚟俾人食，食落去啲嘢已經變暖咗。
餐廳格局：好迫，冷氣好焗，入口好窄，行路嘅位都好窄。個餐廳嘅格局根本上唔適合攞嚟做放題。
總結：話就話自己黃店，但係我唔覺得囉🙄唔好諗住話我係藍絲，即使本人深黃都好，我都覺得呢間野好垃圾，唔會再嚟亦都唔會推薦朋友嚟呢間咁嘅嘢，永久Blacklist，謝謝。仲有唔該唔好侮辱左黃店嘅朵，好多黃店都好好食lor唔該🙄根本上就係掛住搵錢，口黃心不黃，有鬼用咩。🙄
张贴