影片
更多
2021-04-09
566 浏览
見到飲食男女介紹，條片話老闆對於拉麵好有熱誠，而且堅持做街坊生意，話煮俾屋企人食咁，又講到點整湯底，熬足8個鐘，重點老闆曾經日本學整拉麵，所以抱著非常大期望過去。雖然openrice大食評都傾向於話個湯底好淡唔好食，但都堅持想自己親身去試過先甘心，始終唔係自己個口食出黎都唔係個味嘢。第一次去既時候係下午4.，店員話已經賣曬，但我地都依然無放棄，覺得一定係太好食先早賣曬，所以第二日都再過去。諗住做定research係12.開門，仲要怕排隊特登12.就走過去，點知門口就話改左做2.開門，唔緊要，我地等。周圍行下終於等到2.，入到去既感覺就係，睇得出老闆好鍾意日本文化同埋好多figure，都真係有日本小店感覺。到呢一刻，雖然好詫異點解咁細間舖，而得10個位都唔夠，店員包埋老闆都有3個人，店員既比例係乘客既三分一，佢地一個人就可以serve到3個客，不過呢啲純好奇，但我地覺得唔緊要，唔影響進食體驗既，依然好滿心期待。點知，當食物上到黎，就知道店員多真係有影響。首先就係個難以形容既壓迫感，啲座位全部都係對住煮緊嘢既老闆，佢間唔中會用個好串既眼神瞄下大家點食，而除佢以外個兩個店員，因為冇嘢做，只可
雖然openrice大食評都傾向於話個湯底好淡唔好食，但都堅持想自己親身去試過先甘心，始終唔係自己個口食出黎都唔係個味嘢。
第一次去既時候係下午4.，店員話已經賣曬，但我地都依然無放棄，覺得一定係太好食先早賣曬，所以第二日都再過去。諗住做定research係12.開門，仲要怕排隊特登12.就走過去，點知門口就話改左做2.開門，唔緊要，我地等。
周圍行下終於等到2.，入到去既感覺就係，睇得出老闆好鍾意日本文化同埋好多figure，都真係有日本小店感覺。到呢一刻，雖然好詫異點解咁細間舖，而得10個位都唔夠，店員包埋老闆都有3個人，店員既比例係乘客既三分一，佢地一個人就可以serve到3個客，不過呢啲純好奇，但我地覺得唔緊要，唔影響進食體驗既，依然好滿心期待。點知，當食物上到黎，就知道店員多真係有影響。
首先就係個難以形容既壓迫感，啲座位全部都係對住煮緊嘢既老闆，佢間唔中會用個好串既眼神瞄下大家點食，而除佢以外個兩個店員，因為冇嘢做，只可以成錄木企係度等你食完再去收你個碗，而你食緊個陣，理所當然地佢地就係企係你隔離望著你食。可能好多人都唔介意，但我同伙伴都覺得俾三個人望著我地兩個人食嘢唔多舒服，一舉一動都被監視既感覺。
感覺呢啲嘢唔多講因為真係見仁見智，但個麵既味道真係搞唔掂。我地滿心期待，摸足兩次門釘都要食，但真係配唔上我地既期望之餘，我地真係覺得 俾兩個人既$120去食藍店劣質金拱門麥炸雞仲值過呢個拉麵。
我地叫左個櫻花蝦既 同埋豚骨湯既，兩個拉麵都好淡好淡，櫻花蝦個隻湯稍微好過豚骨湯少少但都唔好食架啦，而豚骨湯，以我腦海裡面既詞彙黎形容個味道，應該就係出前一丁麻油湯味，仲要再淡少少，應該係冇味精既出前一丁麻油湯呢個形容最貼切。而麵就，店家聲稱係日本訂製麵，但就可能我地唔識欣賞，麵冇麵香而重點係一啲都唔掛湯。味精拉麵宜家$30下午茶有一個拉麵，回憶起個個味道，確實比$60一碗呢個價錢更值得食。講健康本人並不健康，味精不味精而言，味道顯然更加重要，畢竟日日出街食飯，避得一餐味精其他餐都避唔到，我寧願食味精去換一個更加好既進食體驗，而今次真係失望至極，黃藍是政見，好食是良知。支持黃店，但唔好食既真係冇必要盲目追捧，用呢啲錢黎支持其他好食既黃店唔好俾佢地消失更加實際。
總括而言，麵硬冇麵香而唔掛湯，湯淡而食唔出任何韻味，話係出前一丁麻油湯實在唔過份，有3個人同時間死啤住你食飯，我就不了，這些機會，留俾其他人，個人冇下次。
张贴