影片
更多
2020-03-21
28 浏览
喺附近做gym，做運動前要食啲嘢😌所以就諗住食啲輕食，不過呢間鋪頭有少少隔涉呢度嘅餐牌仲列明左卡路里，啱晒想控制卡路里嘅食客！慢煮雞胸肉凱撒沙律我發誓呢一個係我食過最好味嘅沙律💓一般嘅雞胸肉都係比較鞋身，但係呢一間採用左慢煮嘅方式，所以肉質有啲彈牙，同埋非常嫩😍另外醬汁調味配合得好好👍🏻仲有得另外加芝士粉🧀Rose Latte每日離不開咖啡，於是點左一杯我嘅最愛Rose Latte🌹玫瑰味剛好，唔會搶左咖啡嘅香味～有一樣minor可以改善嘅地方係隻杯，熱飲應該要用有耳仔嘅杯!是日蛋糕: 朱古力花生醬慕絲蛋糕食完沙律又覺得唔係好夠喉，係老闆娘介紹底下，就叫左一件蛋糕🤣老闆娘話店內嘅甜品會由佢負責，之前睇過其他食評話佢係藍帶出身，所以都好期待🥳第一次食花生醬配朱古力，有驚喜！好match🤫中間海綿蛋糕夠濕潤，慕絲夠滑，一啖一啖咁好快食晒😍老闆娘親切嘅款待令我必定會再到訪，下次會試吓smoothie bowl!
所以就諗住食啲輕食，不過呢間鋪頭有少少隔涉
呢度嘅餐牌仲列明左卡路里，啱晒想控制卡路里嘅食客！
慢煮雞胸肉凱撒沙律
我發誓呢一個係我食過最好味嘅沙律💓
一般嘅雞胸肉都係比較鞋身，但係呢一間採用左慢煮嘅方式，所以肉質有啲彈牙，同埋非常嫩😍
另外醬汁調味配合得好好👍🏻仲有得另外加芝士粉🧀
Rose Latte
每日離不開咖啡，於是點左一杯我嘅最愛Rose Latte🌹
玫瑰味剛好，唔會搶左咖啡嘅香味～
有一樣minor可以改善嘅地方係隻杯，熱飲應該要用有耳仔嘅杯!
是日蛋糕: 朱古力花生醬慕絲蛋糕
食完沙律又覺得唔係好夠喉，係老闆娘介紹底下，就叫左一件蛋糕🤣
老闆娘話店內嘅甜品會由佢負責，之前睇過其他食評話佢係藍帶出身，所以都好期待🥳
第一次食花生醬配朱古力，有驚喜！好match🤫
中間海綿蛋糕夠濕潤，慕絲夠滑，一啖一啖咁好快食晒😍
老闆娘親切嘅款待令我必定會再到訪，下次會試吓smoothie bowl!
张贴
