滿樂潮州 (美麗華廣場1期) (已結業)

Halloween 萬聖節日心想食潮洲粥及胡椒豬肚湯，所以嚟咗呢度食潮洲菜。可能節日關係，冇乜人喺餐廳，坐得都寬敞舒適。呢個係一人份量嘅胡椒豬肚湯，非常好飲，個豬肚好食，瘦肉入口亦有𡁻口。蒜片牛仔粒，菜前小吃，份量足夠，非常香口，仲可以送到飯。炆黃花魚，舊魚好滑，雖然多骨但都好好食。好耐冇食過嘅蠔仔粥，個粥好食但啲胡椒粉唔夠靚，帶唔起呢個菜色嘅特色味道。蒜蓉豆苗，炒得香口，唔會太油。價錢算中上，但要搵一間乾乾淨淨又有水準嘅潮洲菜，呢間都可再以光顧。