醍醐茶寮 (已結業)

話哂住左呢區幾年，點會未食過呢間，佢都算係香港有水準既台灣野食! 有時行過買餸或喉嚨唔太舒服，飲一杯佢既薑檸真係好正(我唔記得佢個名，但我每次都係話薑檸多薑 佢都知我講咩XD),天氣凍既時候就仲正!

講番呢餐!佢既食物一向有質素，只係... 可能我大食或者貪心，每次都覺得佢應該要大碗尐，但其實食落係夠既，只係我眼闊肚窄啫XD 咁當然亦可能因為佢好食啦！

仲有，每次去到揀小食都好頭痕，因為樣樣都想食，唔係錢唔錢既問題，係食唔到咁多既問題，所以每次都會爭扎要邊款，真的，so far試過既都未伏過! 係位比較迫，不過明既，小店就係要有種親切感^^