牛匠石燒 (已結業)

今日同媽咪去咗尖沙咀行街嘅時候行過金馬倫道發現呢一間叫做牛匠的餐廳，佢主打係食石燒和牛而且上網睇佢都好多好好嘅評語，於是我就捉埋佢一齊去食就咁睇餐牌會見到佢有好多唔同嘢食嘅選擇而且價位係一啲都唔貴入到去個環境都非常之舒適，而且好寬敞餐廳好貼心為每一個客人都準備一個圍裙，乾淨又衛生又唔會怕啲油彈咗上身今次我地叫咗兩個午餐定食仲加配左小食一份係章魚玉子燒另一份就係豬軟骨個玉子燒好厚實，勁有口感！豬軟骨又夠淋，連啲骨都可以咬得開，而且個調味亦都做得好好係完全心晒入去豬軟骨入面主菜終於都嚟啦我叫嘅就係鹽蔥牛舌伴五花定食食之前店員就會將一個石鍋版燒着大概四至5分鐘，之後就可以用佢比嘅牛脂肪放喺牛油紙上面均勻咁樣塗上，跟住就可以將你嘅牛肉放上去慢慢燒，所以可以因應住你鍾意嘅生熟程度去做調整牛舌夠簿所以只係需要每邊燒幾下就好快熟而且食落去佢嘅牛香得好出眾除咗牛肉之外亦都會有飯同麵豉湯仲有沙律而令一份就係嚴選封門柳伴一口牛定食同樣地每一個人亦都會有一個屬於自己嘅石鍋可以根據自己喜好而去做一個嘅唔同嘅生熟度由於坊間出邊食到嘅一口牛都比較un.但係今次竟然令我大有驚喜佢係超級好咬一入口就即溶！果然做得唔錯