影片
更多
2017-12-28
436 浏览
冬天需要補一下，而且咁啱去元朗，平常去開間蛇舖唔知搬咗去邊，兩公婆決定就近去食，起OpenRice search到有間蛇王倫就去啦。叫咗兩個餐，老公要蛇羹+蛇湯+糯米飯，佢話蛇羹唔夠要加大，加咗$20，而我就叫咗蛇羹+蛤蚧湯+糯米飯🍚。整體味道一流，起碼我食過三間，呢間係四種都好味。蛇羹，唔算滿瀉，即係料同羹係一半一半，有蛇肉但雞肉多啲，其他木耳，冬菇都好正常尺寸，而且足夠份量，味道係好好味，唔係好味的話，我通常會加半碗薄脆調下味道，但係呢個蛇羹我只係加咗好少，少到老公問我點解唔加，因為真係好食。糯米飯，我冬天必食之選，就算唔係出自蛇舖既我都會叫嚟食，呢間啲飯好黏，不過係唔算好多料，但係都食到臘腸肉，有時會有埋花生口感，臘腸肉仲係半肥瘦，夾起仲會見到有少少油吱出嚟，臘肉就唔係全肥肉，臘肉唔太喜歡俾咗老公食，佢都話呢間係唔錯，臘腸臘肉都唔硬，最重要係食完成碗飯喉嚨會唔會唔舒服，即係X喉（唔知嗰字點寫），之前食慣嗰幾間，食完嗰糯米飯都會唔舒服，一定要飲啲野先會好啲。呢間無呢種問題，下次都係要返呢間買嗰飯先。到湯喇，因為叫咗兩款，我只係飲嗰一種，蛤蚧湯，有杞子所以甜既，唔太有藥材味，味道唔錯
叫咗兩個餐，老公要蛇羹+蛇湯+糯米飯，佢話蛇羹唔夠要加大，加咗$20，而我就叫咗蛇羹+蛤蚧湯+糯米飯🍚。
整體味道一流，起碼我食過三間，呢間係四種都好味。
蛇羹，唔算滿瀉，即係料同羹係一半一半，有蛇肉但雞肉多啲，其他木耳，冬菇都好正常尺寸，而且足夠份量，味道係好好味，唔係好味的話，我通常會加半碗薄脆調下味道，但係呢個蛇羹我只係加咗好少，少到老公問我點解唔加，因為真係好食。
糯米飯，我冬天必食之選，就算唔係出自蛇舖既我都會叫嚟食，呢間啲飯好黏，不過係唔算好多料，但係都食到臘腸肉，有時會有埋花生口感，臘腸肉仲係半肥瘦，夾起仲會見到有少少油吱出嚟，臘肉就唔係全肥肉，臘肉唔太喜歡俾咗老公食，佢都話呢間係唔錯，臘腸臘肉都唔硬，最重要係食完成碗飯喉嚨會唔會唔舒服，即係X喉（唔知嗰字點寫），之前食慣嗰幾間，食完嗰糯米飯都會唔舒服，一定要飲啲野先會好啲。呢間無呢種問題，下次都係要返呢間買嗰飯先。
到湯喇，因為叫咗兩款，我只係飲嗰一種，蛤蚧湯，有杞子所以甜既，唔太有藥材味，味道唔錯，足唔足料就睇唔到，因為真係得湯，無湯渣。
蛇湯，老公話居然都係甜，佢飲都有紅棗杞子味道，其他藥膳味唔太覺。
舖頭都算闊落，6張細枱，唔駛等就入到去，地方乾淨。
蛇羹，蛤蚧湯，糯米飯
$198
69 浏览
1 赞好
0 留言
张贴
