越滿 (已結業)

琴晚放工同左中學同學去食飯 傾下聖誕節活動，行經洗衣街 見到新開既越南菜。我地就入左去試下新店味道如何⋯⋯越滿和牛湯河：比正常份量大碗，個人覺得一個人食會好飽肚；當中有日本和牛，澳洲和牛 兩者同樣juicy 牛肉吾硬身；和牛牛舌帶有點爽口 美國牛小排同樣美味；牛丸彈牙 而且牛肉味幾濃。湯河份量好多，河粉好滑身。湯底方面，帶有點點濃郁！依款河粉可以兩人分享，價錢公道。越滿生牛肉河：朋友食生牛肉 口感更為林身；依款系一人份量就岩岩好！椰青：原個椰青上，味道清甜 仲可以整埋啲椰青肉出黎食tim～咖哩軟殼蟹：咖哩汁好多 可以蓋過軟殼蟹；當中有不少三色椒。吾好覺得有甘多汁隻蟹就林晒，軟殼蟹咬落好脆身 仲啖啖肉！咖哩汁充滿左好濃濃既香草味 配合反越南既特色！越式炸春卷：春卷有四舊，餐廳會配有生菜讓食客可以包住食；令到口感更加多。炸春卷同樣好脆身，入面帶有蘿蔔絲 少少肉 等等。