越蘆越南牛肉粉 (已結業)

呢一間砲台山越南餐廳，其實之前行過都想試吓， 因為其實見到佢門面都幾吸引燈光火猛同乾淨企理 。不過今日見收工做得攰攰地， 咁就試下啦，咁我同朋友就叫咗以下:牛油果素米紙卷: 呢個係我最愛食嘅素米紙卷， 卷有我鍾意食嘅牛油果再包埋啲素菜令到成個小食清清地， 個米紙卷記住點少少汁食，令到口感同風味一流，呢個餐前小食我覺得唔錯。生牛肉湯粉: 我自己覺得食越南野一定要叫湯粉，所以呢個湯粉不得不介紹佢，個河粉係幾滑， 另外個牛肉新鮮亦都幾juicy及小肥，加埋嗰個湯底真係feel very good！ 所以鍾意食河粉嘅朋友可以試下。會安蕃茄蟹檬: 咁呢個係咪係我朋友叫嘅咁個蟹檬就包括有豬肉、蟹肉、蝦丸扎肉， 我試咗少少感覺，檬粉嘅粉都幾滑加埋佢個蕃茄湯，我覺得真係幾好飲，因為都有濃厚蕃茄味， 所以番茄控一定要試。馬拉盞炒通菜：呢個通菜看似冇乜特別其實係要試一廚師個鑊氣夠唔夠勁，我覺得有啲似大排檔嘅小炒通菜夠曬鑊氣，所以幾啱香港人嘅口味。鍾意食越南嘢嘅話，大家可以試下呢間餐廳，我覺得佢整啲嘢都唔錯。可以一戰! 同埋都係嗰句，有得食好食，驚遲啲冇得食。