Day and Nite by Master Kama (已結業)

同朋友一齊聚聚～ 通常都會為揀地方頭痛, 因為又要交通方便同環境可以, 仲要價格啊 食物好唔好食啊～ 等等之類. 而且一班女人既話, 係煩上加煩. 今次朋友親自揀呢間. 因為係旺角, 都就腳,所以冇特別考慮.就揀jor .  而呢間嘢好似一定要預約, 預約jor 個時間唔可以早上去. 真係需要“準時”.一上到去, 就見到滿曬, 好多人. 因為我地十幾個人, 所以女人們就狂嗌！我地嗌jor 唔同拼盤啦, 意粉,豬手，海鮮蟹宴.鐵板燒。  每款擺設都好靚, 影相呃like 都可以～！lol除jor賣相, 味道都好好, 尤其係個豬手, 皮脆, 肉嫩.而個粟米好好味, 牛油味好重,夠香. 所以嗌jor 兩碟. 其次比較喜歡佢d 飲品, 每樣飲品都好有特色, 賣相都好靚, 不過比較好飲既 係（peach&lychee tea）好飲d！！！！總得黎講, 環境可以cozy d～ 但係食物可以！ 朋友仔一齊食飯 傾計 都可以！