粗菜館 (已結業)

第一次黎粗菜館，之前成日經過九龍城總店都試唔到，今次到左佐敦店試下~~~因為唔知咩好食，所以好隨便噤叫左以下既三樣野~~~(1) 薑蔥蜆蚧炒雞第一個黎既餸，有好大期望噤去試，不過有少少失望成個餸都好香，因為用左好多薑蔥去炒，令到香氣同鑊氣都可以維持到....薑蔥入口冇味，好淡，完成同佢既香味唔成正比~~~雞件味道分配唔平均，好明顯師傅炒得唔夠，所以做到有o的味道好濃，但係有一o的就完全係冇味既~~~(2) 火辣田雞呢個餸對鐘意食辣既人應該會好好，因為佢既辣度o岩o岩好，唔會專登做到要迎合所有人既辣度，所以可以滿足到"好"辣之人。不過略嫌田雞肉有少少乾，如果可以做得滑一o的會更好。送飯一流~~~(3) 日式芥末煎蠔呢個真係一個新嘗試，真係未試過煎蠔係噤整。不過又真係一個驚喜，估唔到芥末同沙律醬加埋一齊既味道可以噤特別，味道完全冇問題...反而整個餸既問題係出現左係炸既方面(好奇怪，明明係煎蠔，變左係炸蠔)個炸皮好有問題，加左芥末之後就完全唔脆，如果放耐左就會開始好難咬......加埋兩個白飯同汽水，埋單要二百幾~~~總括黎講，三個餸都係唔差既，味道真係唔錯，如果係細節上改一改會更加好~~