正宗上海生煎皇 (已結業)

當日太大人等位，去到門口等左一陣，但都好似要等好耐時間，所以決定都係外賣番屋企食算啦，野食又真係幾抵食ＷＯＲ，又大份，因為平時同朋友出去食既上海菜又少又食得唔夠飽咁，但哩間位於大埔大埔墟大明里10號地舖的正宗上海生煎皇就真係樣樣野食都抵食又夠大份啦，真的是不錯的選擇！叫左一份上海生煎包$30元四個，真係做到皮薄多肉，一咬落去仲有好多湯汁係個包入邊，真係好好味，肉質好正,必點丫!食上海野點都要點番個蒜泥白肉,重點真係個醬汁,哩間個蒜泥白肉下面仲墊左青瓜,又大碟,青瓜好爽口,白肉又夠正。價錢$34再叫左個雞絲粉皮，加埋麻醬真係一流，雞絲好新鮮，粉皮又夠多，一份二人份量真係好夠，天氣熱熱地食涼拌最正。土匪雞翼菜飯，又有菜又有肉真係好，土匪雞翼真係醃製得好好味，好入味，菜飯都有好多菜丫，都幾抵食$38