Steak Bar (已結業)

#MJ中環#MJ日式手#MJ扒房🔽好似自從去完日本旅行之後就好耐都無食過吉列牛，因為係香港有呢個菜式既餐廳好似唔多，同埋對比起日本既質素，香港果啲的確又唔太比得上，之前係香港食既吉列牛扒我都覺得麻麻地。🔽話說同朋友講開呢個話題，佢就介紹我黎食呢間餐廳，因為味道聽講係唔錯既。於是約左人出開黎中環呢邊，就去左試啦。舖頭既位置係蘭桂坊，而且窗口位望出去既夜景都唔錯。🔽🥩吉列炸牛排套餐（🤤8/10）外面炸到香脆金黃，裹面就仲係好鮮紅色既，大約兩至三成熟，想食咩生熟既程度就可以透過個火爐去加熱，可以自己控制 幾有趣幾好玩，塊牛扒雖然唔係啲咩頂級貨色，但都好重牛味 肉質都唔錯，呢個價錢黎講都算幾抵食。呢個set 仲包埋個飯、沙律同麻醬豆腐。個人認為個沙律汁可以做得好啲，只有微酸味，如果個味係酸甜會夾啲。要讚下個飯上面放左飯素，可以選擇要唔要，更好餸飯。🔽🥔和風紫菜薯條（🤤7/10）呢個就較普通，不過紫菜既量好多，而且好平均咁佈滿係啲薯味上面，帶一陣紫菜既咸香味，幾香脆而且份量幾大，適合share黎食，餸下酒咁。🔽呢度係有酒叫既，而且環境幾適合傾計，係一個唔錯既約會地方。服務都唔錯，有打招呼同推薦食