Greyhound Café (國際金融中心) (已結業)

今次去了IFC裡面的Greyhound Cafe食飯，我們叫了薄切三文魚和辣肉醬手包粉卷做頭盤，三文魚很新鮮而且配上泰式辣汁醬，口感很fusion !辣肉醬手包粉卷類似生菜肉碎包，是多了個重點粉皮，每一塊皮都一樣厚度，而且很滑，配上特製醬汁整個非常開胃。 額外一提，餐廳待應們在上完這個菜後自動奉上濕紙巾給我們清潔，很貼心! 主菜就點了泰式炒螺絲粉及泰式魚柳意大利麵，味道不錯，但比較普通，值得一提是泰式意大利麵是我個人喜歡的天使麵口感，而調味都做得幾好，有些小蝦醬加芝士蓉來煮，很香口。 最後，叫了芒果芭菲及野苺千層蛋糕做甜品，芒果芭菲看似無咩特別，但你估佢唔到，個底竟然係糯米飯!所以應該係芒果芭菲糯米飯先啱! 而野苺千層蛋糕，紅苺醬好甜好fresh !入口有層次感，不過略嫌有少少軟掉。 不得不提既係，呢間餐廳特色之一的檸檬茶！有咩咁特別?咪就係連冰都係檸檬茶冰咯!就算粒冰溶左都仲好濃檸檬茶味!無得頂! 總結:餐廳環境不錯,窗口位可以看到海景,亦不會太嘈。食物味道及賣相都幾好,應該會再返來食!