一寿司 (已結業)

平時食壽司都係去元氣元神呢d度食, 今次去左呢間一壽司食, 原因好簡單... 大魚缸!好多熱帶魚同珊瑚, 真係幾好feel架, 但係就嘈左d囉...因為係午飯時間~ order枱o既梳化座位都幾舒適,重有cushion添~ 講番食野... 壽司o既款式都幾多下, 有成百多款噤多另外重有d係創作壽司添~(價錢都幾貴下所以無叫到~) 我同兩個朋友點左十多碟壽司(藍鰭吞拿魚壽司,車海老蘆筍壽司x2,芒果花之戀,鰻魚壽司,火灸三文魚壽司, 炸軟殼蟹手卷,黑椒三文魚壽司,"初戀"壽司, 極品和牛壽司重有一個炸雞軟骨)o個度d壽司飯不會過酸,又不會握得太實. 即叫即握~ 不錯! 另外服務態度不俗,笑容不乏~又加茶又收碟,次數都幾瀕密下添.我o係度同大家推介下佢地個"初戀"壽司, 甘甜微酸的芒果粒加上清新爽脆的青瓜粒再加上軟滑新鮮的三文魚腩粒, 結合成為一種"既含蓄又大膽"的滋味! 哈哈! 如果想搵初戀o既味道呢度就有無限次數o既初戀比你!只係視乎你肚皮兒的容量大少而已~價錢跟元氣差不多, 但比起來一定會選一壽司一定會再去!