夜梟 (已結業)

今晚帶屋企人去食好西，去左尖沙咀既夜梟，位於金巴利道既大廈裡面，旺中帶靜上到去發現環境都幾啱朋友靜靜地傾下計，分2層，3樓係酒吧，5樓係食野既（冇4樓）點了店員recommend既菜式，首先要左個咕嚕菠蘿牛小排，果然冇介紹錯牛小排大約5成熟，一切落去就覺得佢好juicy，肉質呈粉紅色食落有少少入口即溶既感覺，牛肉味香濃，肉汁充滿哂成個口腔，like!之後要左橫行無忌炒飯，同樣都係推薦菜式炒飯顏色都幾靚，上層鋪滿了蟹籽、蟹膏同蟹肉，下層有芝士食既時候可以搞拌黎食，芝士會有少少拉絲，食落去蟹籽起口腔跳躍，充滿口感甜品要左黑芝麻豆腐蛋糕，豆腐味道好香濃，食落綿滑，配埋消化餅餅底，同埋木糠餅碎，口感幾rich最後要左鬼馬油炸鬼，其實係chocolate fondue + 肉桂條，食既時候沾一沾朱古力食就得肉桂味香濃，加上朱古力醬帶有少少既辣味，一次過味覺有幾種感覺，都幾特別，都fusion得幾搞鬼