どストライク軒 (已結業)

係尖沙咀行過見到日本拉面小店 就同男朋友入去試下 鋪頭唔係話好大 都幾有日式feel~我地兩個分別叫左個特制鹽味湯沾面同埋個白湯蜆松靈鹽味拉面～ 個沾面湯比想像中要稀 個人都係鐘意食較稠d既湯 味道都幾咸 有食到鹽粒 岩哂重口味既我 仲有個拉面入面配有蜆同糖心蛋 算係幾足料 而且拉面份量都幾多 如果個湯可以熱d就好啦 另外試左男朋友叫既白湯蜆拉面 雖然都係鹽味 不過無沾面咁咸 睇落去好似細碗d我地仲叫左炸雞同野菜~ 值得一讚既係個炸雞好嫩滑 仲熱辣辣 feel到係即叫即炸 一共有四件 每件都好大舊 相反個野菜就無咩味 普普通通