小王牛肉麵 (已結業)

今日心血來潮想食牛肉麵，諗起附近有間台灣野一直都無食過，今日就去試試佢😋


店鋪都幾大，枱與枱之間都隔得幾開，都坐得舒服～野食好快就上枱，我同朋友分別嗌左一碗牛肉麵同埋牛筋麵

湯底幾清，有陣藥膳香味，但絕對唔會濃到接受唔到。佢地嘅粗麵係同河粉嘅粗度差唔多，但係厚身啲嘅。麵入面仲會有兩棵菜，但略嫌有啲生，有啲難咬。牛肉份量都幾多，而且夠軟腍同入哂味；牛筋都係炆得非常腍，入口即溶，配埋湯底一齊食仲好夾😆


不過性價比就唔算好高，$56一碗麵無野飲，另外再收加一服務費😗如果口痕想食台灣野都可以一試嘅～