小王牛肉麵 (已結業)

第一次行這個商場發現到一間台灣食店二人同行點了兩個主食，兩份小食，一杯飲料====主食類===原味牛骨湯牛肉麵牛肉炆得軟熟，麵條亦都彈牙。湯底香料味濃， 略嫌牛骨味不太重。這個適合不太很重牛肉味道的朋友味道比起在台灣吃的還有一段距離推薦度:3.5💖💖💖台南炒新竹米粉賣相雖然不太討好，但色彩豐富，配料份量也十分充足。配料跟米粉炒得不算均勻。試一試，很好吃(⊙o⊙)!!!!!!有鑊氣很香口，米粉軟硬度適中，條條分明。很有住家的味道。推薦度:4分💖💖💖💖=====小食類=====紅油抄手裏面很多肥豬肉貌似沒有蝦，沒有吃過真正的台灣 紅油抄手， 如果比起其他上海店的紅油抄手,這個太肥膩了，個人不太喜歡。但如果喜歡吃到啖啖肉，又喜歡吃肥膏的朋友，可能會很喜歡。啖啖肉推薦度: 3.5分💖💖💖川椒皮蛋豆腐這個皮蛋感覺很高級，有點像松花皮蛋。加分加分甜鹹不太辣，還不錯吃的推薦度: 3.8分💖💖💖珍珠奶茶就不太好喝很淡,奶精味很甜。不太推薦，所以沒拍照。服務我們的員工是殘疾人士，這間應該算是有關愛社會各界人士的企業吧?…查看更多

作為連鎖集團，小王牛肉麵的水準還不錯！對！只能說一分錢 一分貨！辦完銀行事務後，因身體不適，就挑選了小王牛肉麵試試。侍應們服務態度很好，一坐下就放了兩杯水，配合現場的環境，初步感覺很不錯哦。餐牌方面，為配合客人不同口味，餐廳要求客人填寫麵條的粗硬度，不同配菜的數量等等，且圖文並茂，值得一讚！先來了半筋半肉麵，牛筋味道不俗，但牛肉卻很硬，十分難下口！但吃下去沒有口渴的感覺，可能是因為沒有放太多的味精吧！後來了台式肉燥飯，感覺不錯！飯總體感覺不錯！肉燥肥肥地！很有口感！一個人吃還十分足夠！最後來了滷水牛展，牛展配上豆腐，抵吃的，但牛展卻沒入味，就顯得十分失望！總括而言，此店價錢十分相宜，也獲得前台北市長郝龍彬加持，可以一來！但不要抱太大期望！…查看更多

今日尼食夜晚的小王牛肉麵我哋去嘅時候大約夜晚八點但都唔需要等位 一入到去就有位落單嘅方法就係自己寫跟住就畀張紙佢 寫返要自己幾多號餐呀跟住仲可以揀其他酸菜入面嘅硬度 韌度等等 咁我就係叫六號餐精選牛坑腩湯麵 要粗麵 走芫茜 麵要正常嘅韌度湯底但就揀咗胡椒湯底 所以就會係白色 尼一個胡椒湯底就有少少辣牛坑腩嘅份量都多 唔韌 好味好有口感 肉有少少肥 所以都較林 麵唔會一咬就斷有朋友食過豬骨湯但係佢就話好咸牛肉湯就重口味…查看更多

-好食嘅嘢唔使多講，見我食完再返去就知道。😋😋😋😋台式炸醬（幼麵）+ 熱珍珠奶茶肉燥豬扒飯 + 黑糖牛奶PS: 飲品照正價減10蚊__________地址：紅磡黃埔天地享膳坊第4期地下G14號舖…查看更多

一般般的牛肉麵本身都好鍾意食台灣野之前見到呢間牛肉麵一直都好想試之前去咗食 每人叫咗個牛肉麵聞起上嚟牛肉味都幾重 但係個人就嫌佢啲面唔夠嚼口 同埋佢入邊嘅份量亦都太少 呢個價錢可以喺其他台灣店食到更加大碗同埋好食嘅牛肉麵 所以你間鋪頭同預期都有少少出入 但係我哋仲未試佢個飯 如果有機會都會諗住去試吓佢個飯俾佢平反 但佢呢度最出名嘅牛肉麵就有少少令到我失望 不過呢度牛肉麵嘅湯底我都幾鍾意如果棉質可以做到更加有着口不過呢度牛肉麵嘅湯底我都幾鍾意如果麵嘅質地可以有嚼口的 牛肉同麵份量多返的 其實應該都會唔錯…查看更多

台式炸醬麵，肉燥豬扒飯，珍珠奶茶（熱凍各一杯）,飲品照正價減十蚊。 1. 肉燥豬扒飯：豬扒炸得好鬆脆夠曬入味， 青瓜醃得幾好味。2. 台式炸醬麵： 如果將嗰啲汁可以多番少少咁，就完美喇。 因為我碗麵太少汁，所以食落好似食個淨麵咁。 其中有個小插曲，侍應畀錯咗粗麵我，當我同佢講番之後佢表示好抱歉，仲立即換返個正確嘅幼麵 畀我，十分好呀。 抵讚！ 3. 熱珍珠奶茶：消失的珍珠！！！？？？ 珍珠你喺邊呀？唔係見你嘅蹤影嘅？？PS: 值得一讚係呢一間食事係良心企業。 眼見樓面請咗多位弱聽嘅人士，就算係廚房，都有弱聽人士坐鎮，絕對係“良心企業”。 所以大家行過黃埔，可以入嚟支持下呢一間食店㗎。 …查看更多

今日喺黃埔食晚飯，見小王牛肉麵個樣唔錯，所以試吓。兩個人坐卡位，都幾舒適。餐廳人唔多，可能我地早入去。👉🏼原汁牛筋麵湯底好濃，好似肉骨茶嗰啲friend, 我覺得唔錯，竹筋夠淋又夠膠，幾好味。我揀咗幼麵條，軟硬度尚可，幾大碗架，所以食得飽。👉🏼牛腩麵湯底一樣揀咗牛骨湯，所以都係似肉骨茶，牛腩有點硬，但湯底搭夠。👉🏼珍珠奶茶呢杯少糖，冇乜奶茶味，珍珠偏淋，似食少硬嘅啫喱，冇乜特別。👉🏼桂花蘋果茶係幾香桂花味，甜度一般，正正常常。如果鍾意飲肉骨茶嘅朋友，會喜歡呢度嘅牛肉麵。…查看更多

約了朋友一齊睇戲，睇之前要醫吓個肚。自己叫了個半筋半肉粗麵($ 60)。 好快就有得食，粗麵條幾彈牙，藥材味夠重，牛筋牛腩夠淋夠入味。大大碗，份量足，真係可以填飽你個胃。想唔駛食得太匆忙， 真係睇戲前首選之食店。…查看更多

星期六晚餐，入到去見到有幾張卡位，而且人流唔多，不過侍應講到明唔係3至4人，冇得坐卡位，咁就算。叫左半筋半肉麵($60)，鳳梨黑醋骨($69)，柯仔羹($38)，熱桂花生薑茶($18)，凍冬瓜茶($20)。麵條可以揀粗/幼，湯底亦可揀牛肉/豬骨。豬骨湯色有dd奶白，唔太鹹，食完唔口渴。麵條軟硬適中，而牛腩牛筋既量ok，牛筋煮得夠"林"，不過食落好冇太強烈既骨膠骨感覺，牛腩唔會太韌。仲有菜伴碟，健康。鳳梨黑醋骨即係生炒排骨(?)，用左大量黑醋煮成個醬，大約有10件黑醋骨，加入青紅椒，洋蔥，菠蘿。酸酸甜甜好開胃。不過骨肉比例係2:1，有d可能只係得骨and炸粉only，冇肉。柯仔羹理論上，應該係稠身，但尼到既係湯，係飲湯既feel，而唔係羹。雖然分唔清湯or羹，不過材料豐富，有好多柯仔，豆腐粒，仲有荀絲，薑絲，酸菜，好強烈既胡椒薑味，好刺鼻辣口。冬天飲，會好暖。飲品方面，生薑茶飲到好香既桂花味，入口辣，冬天必品。冬瓜茶就不過不失，甜甜清涼。整體，麵食唔錯，而烹調重味既食物水準係ok，平時飲薑茶/胡椒湯尼d，個味都唔夠，不過尼間做得唔錯。…查看更多

喺黃埔尖完好餓， 碰巧係午市， 四周圍睇下有咩抵嘢食。 望到呢間有套餐吸引我 ，於是就入去試下。台灣小王牛肉麵， 我都係第一次试， 早餐都冇食就運動，餓到暈，快速揀左台式肉燥豬扒飯同熱洛神柚子茶。估唔到上碟有咁多， 肉燥嘅份量都比其他台式舖頭落得足， 送飯一流。 豬扒就熱辣辣，始終係炸野油益味都重， 肉燥就較為出色。最驚喜係杯洛神柚子茶， 淡淡的橙紅色， 有別於一般嘅柚子茶， 感覺好高級， 飲落去都覺得嘆啲。 而且侍應嘅招呼都唔錯，好有禮貌， 所以午餐之選都唔錯。…查看更多

嫲嫲話想食台灣嘢，帶完佢覆診就去附近嘅小王。連埋老公我地三個人叫咗3個主食4個小食，食完超級飽。餐廳晚市都唔駛排隊，枱與枱之間都夠位。某啲員工係特殊人士，但全部都好有禮貌同幫到手。台式肉燥飯($42)。足料夠味，唔會太咸或太多肥膏。半筋半肉粗麵($60)。藥材味重，麵條彈牙，牛筋牛腩份量足夠淋夠入味。台式炸醬麵($45)。(唔記得影相)第一次食，甜甜地，估唔到又幾好食。台式豆醬A菜($60)。即係油麥菜，略嫌豆醬太多，太咸。一口鹽酥雞($29)。無咩肉，細細舊，皮多過肉，味道唔夠特出。烏醋伴雲耳($26)。好酸，可以解膩。滷豬手($42)。有4大舊，夠淋夠入味。朱古力雪香($26)。夠濃夠凍，加咗麥片多個層次。總結係，唔係樣樣都好食，但可以一解思念台灣之情。…查看更多

今日心血來潮想食牛肉麵，諗起附近有間台灣野一直都無食過，今日就去試試佢😋店鋪都幾大，枱與枱之間都隔得幾開，都坐得舒服～野食好快就上枱，我同朋友分別嗌左一碗牛肉麵同埋牛筋麵湯底幾清，有陣藥膳香味，但絕對唔會濃到接受唔到。佢地嘅粗麵係同河粉嘅粗度差唔多，但係厚身啲嘅。麵入面仲會有兩棵菜，但略嫌有啲生，有啲難咬。牛肉份量都幾多，而且夠軟腍同入哂味；牛筋都係炆得非常腍，入口即溶，配埋湯底一齊食仲好夾😆不過性價比就唔算好高，$56一碗麵無野飲，另外再收加一服務費😗如果口痕想食台灣野都可以一試嘅～…查看更多

到底點樣既餐廳可以令一個cd rom開ac打食評呢？呢間小王會比到答案大家。某日我男朋友突然想食台式野，於是就係黃埔附近搵下有冇台式餐廳，咁岩見到呢間小王牛肉麵，印象記得佢係九龍灣都有分店，諗住開得分店都應該ok, 再望下入面環境都唔錯又唔洗等位，於是就展開呢場中伏之旅。我地除左本身有個袋，另外都每人扲住一袋野。入到去時店員帶到我地去卡位時，佢扲轉身問一位貌似高級少少既收銀員係咪坐呢到，聽到佢好大聲叫：坐二人位！唔緊要咁咪試下坐住後門既二人位。坐低發覺唔對路，兩個人四袋野坐係60x70cm既枱實在太逼，目測除左中間幾張長枱有零碎空位外，仲有四張卡座冇人坐，於是問另一個店員可否轉去卡位，佢就答四個人先可以坐。咁算啦當佢陣間真係會好繁忙，唔阻人做生意情況下照叫食物。我叫左個鹽酥炸豆腐同西多士；先講豆腐，呢道菜真係完全改變我對鹽酥炸乜乜乜既認知。佢既做法係：將懷疑變壞既豆腐炸幾下先，再不均勻地放啲椒鹽係面，然後就會食到一舊有鹽，而另一舊冇鹽既豆腐啦；至於點解話佢變壞呢，因為咬落去果時，係有 酸 味 既...西多士冇特別就不多講了，四十蚊有兩大片多士算幾抵。炸出黎既西多士同牛油都ok,只係唔鐘意佢用大家由細見到大既真蜜蜜糖水黎做糖醬，太甜太甜。到飲品方面，諗住台式餐廳實有珍珠綠茶飲啦，點知係冇既，睇晒全張雙面印刷既A4紙都係冇既。最普遍既茉莉綠茶或者烏龍茶都係冇既。算啦咁我飲水，男朋友飲乜就唔記得因為最後店員都係落漏單。唯有臨走時望住幾張空枱空櫈作最後道別。…查看更多

一進餐廳，店內空空如也，我跟女朋友進餐廳被安排坐二人位置，由於我倆一個背包，兩袋物品，便問店內員工能否坐四人位置，結果馬上被拒絕了，「四人先坐得架！」話語鏗鏘有力！之後我們便跟店員說要拿櫈仔放行李，店員知道我們行李多，便跟主管問能否轉我們到四人座位，換來是一句更大聲的話語：「唔得！！！！！！」結果店員只拿了一張櫈給我們放行李，這當然不夠，結果我女朋友便要把兩袋物品放在自己的櫈後面。今時今日香港服務質素為人垢病，絕對不是無中生有，直情是滿地開花，隨處可見！現談食物質素，客觀分析不把「私人感情」放在此。一碗50大元的蚵仔麵線你會期待得到怎樣的質素呢？在台灣一碗只售50-70台幣的美食，即使在香港，八方xx只售20-30港幣一碗，在這裡當然會有很高的期待。結果，是極難食！這麼稀的湯，加上這麼少的麵，配搭不夠味的湯，絕配！而且無端百事加了紅羅白在麵裡，予人感覺畫蛇添足。最後，蒜香麻辣豬耳，豬耳是暖，青瓜是冷。在我有生之年，我不會再讓他賺到我多一分一毫。…查看更多

今日不是很多人，安排位置也很快，但入去之前安排座位已經覺得員工態度惡劣，叫嘢食之後食了一口不是正常的味道有變壞嘅味道，我也知道今天初五晚上過年時節要員工返工很辛苦，但也不是發洩喺客戶身上，員工態度好有問題，尤其是個經理試都沒有試就話食物沒有問題不換，經過再三理論之後，換掉食物也是一樣！經理說這也沒有辦法，態度也非常之差，諗住睇完戲來食飯，點知一肚氣，今次真的很失望，一定冇下一次！小王太令我失望了！…查看更多