至尊滿屋日本料理 (已結業)

今日同朋友行完山，實在太肚餓，所以決定去食放題，先至滿足到我哋幾個既胃我哋決定咗食呢一間至尊滿屋，環境幾唔錯，都坐得舒服Menu上面嘅款式都唔少，而且壽司種類感覺上都幾高級，唔係咩三文魚壽司或者係魚子壽司，玉子壽司個d, 而係有啲特色同深度！壽司上枱嘅時候，發現飯量都唔係幾多，所以感覺唔錯刺身款式都幾多就而且切得都幾大件，冇呃秤，份量十足，而且上枱速度超級快！！服務都幾好至於炸物方面，雞翼炸得唔錯，嗰個榴槤炸彈都幾好食，不過嗰個炸香芋丸就麻麻啦，其他炸物例如炸雞粒，炸竹輪嗰啲就有少少油膩食唔到太多同埋串燒款式相對比較少就竟然連最普通嘅燒雞串都無，你叫咗個燒牛舌你味道都麻麻仲有我最期待其實我係嗰個照燒鰻魚串，點知落咗幾次單都冇，睇落係賣晒或者無再供應，有啲失望，因為我真係好愛食鰻魚整體都OK，還可以接受！不過如果要我再食我可能未必會再去，但絕對稱不上伏，普通食下無咩問題