千江雪 (已結業)

看雜誌，圖片相當吸引，又有同事食過話OK，難得凖時放工，所以選擇了最平的時段，價錢是次要，最重要係小人唔需要等位之餘，上菜時間特別快。 待應尚算有禮勤力，不停為我們收碟、加茶。任食漏單的事也見怪不怪，至少漏單情況只有一次，同侍應追單，真係返嚟回覆，而且很快上返，抵讚！食物有成百款，看到眼花撩亂。前菜、刺身、壽司、燒物、炸物、手卷、串燒、天婦羅等。剌身的賣相吸引，好靚，感覺新鮮，都幾厚身一件，三文魚、甜蝦、螺片，都鮮甜好味，合格。壽司細細件，不會吃得太飽。牛肉鍋、沙律、溫泉蛋都好好味；羊架又唔係好酥同唔鞋口，天婦羅個粉醬唔太厚，炸得幾香口，又不太油；芝士年糕最好味，軟綿綿，熱辣辣，一入口芝士流出嚟好好味。串燒燒得很香又野味，牛舌、雞翼微暖，如能熱多一點就更好。其實這個價錢，這個質素，已經很不錯，希望可以保持水準，將來再來光顧的。用心做菜的放題餐廳已經越來越小了。