金田日本料理 (已結業)

上星期四，舊同事飯聚，相約在出名多野食既荃灣區搵食。由於舊同事是地膽，所以就由佢發板決定去邊到食。同事當中有人提議食日式放題，所以打電話去citywalk間漁屋book位，不過,，冇位。原本打算轉地點，直踩尖沙咀食飯就算，不過已經約晒所有人，就費時再改地點啦!之後就係openrice搵下荃灣區仲有什麼日式放題，就係搵依間係悅來酒店既金田了。幸運地，可以book到6位，仲要可以由7點半食到10點半，感覺幾抵，一個人收費就二百蚊鬆d，正路既放題價。簡單d講，環境裝修就很一般，燈光有點昏暗，但枱與枱之間就鬆動一點，冇平時d 放題咁擠迫，依一點值得讚!至於最重要既環節就係食物方面，食物種類都係大同小異，刺食有三文魚，甜蝦，螺片，吞拿魚....熟食有羊架，天婦羅，秋刀魚，炸蠔，焗蠔...刺身: 新鮮度普通，厚切，一般放題質素，最緊要冇雪藏味。熟食: 羊架唔錯，唔會一大舊肥膏俾你食，反而炸蠔同焗蠔就很差，完全食唔到蠔咁，可能太細粒，或者根本唔存在! 天婦羅就一般貨色，食少少都ok既!# 有一點值得一提就係，你order幾多，佢就真係出幾多!!! 完全冇呃人!!! 因為我地order左40片三文魚，