影片
更多
2011-07-10
37 浏览
一行6人去art jam。Jam 完之後，相約其他友人去apm食飯。未夠6點去到，間野好似未開咁。阿姐話開架啦，於是帶我地入去。安排坐到最入，入到去冷氣都未開...好焗，但坐一陣就開始涼。不過由於太入，而且剛開店，所以揾侍應有d困難，要親自出去叫侍應入黎。有個餐都幾啱食，不過for 6 人，於是我地再加多其他餸。Citibank 有精選菜式85折。散叫咗擔擔麵、雪菜炒年糕、鳳尾魚、嫩雞燴麵、三鮮鍋貼、鮮肉鍋貼、麻辣牛舌、拔絲蓮藕。前菜有滬式叁小碟：蔥油窩筍海蜇絲、醬蹄同燻魚；再加埋散叫嘅鳳尾魚同麻辣牛舌。麻辣牛舌超正，一定要叫，牛舌切薄片，上面鋪咗好多辣椒碎之類的香料。牛舌雖薄，但很有牛舌的爽口，麻而不辣，做得很好~鳳尾魚炸得超乾身，好脆，又唔油膩，味道帶微甜。蔥油窩筍海蜇絲，味道正常，但不特別。醬蹄幾好食，都係切薄片，味濃。燻魚ok，不過較濕，味道甜甜地。海皇豆腐羹係個餐嘅，for 6人嘅羹都分到8碗，份量不錯。通常呢d羹都係生粉水，所以無乜特別，不過味道清清地，都食到豆腐、帶子同蝦粒，不過不失吧！片皮鴨，即場切，起肉起皮，都好多，分成兩碟。外皮脆，唔會太肥；不過鴨肉燒得過乾，好鞋。
未夠6點去到，間野好似未開咁。阿姐話開架啦，於是帶我地入去。
安排坐到最入，入到去冷氣都未開...好焗，但坐一陣就開始涼。
不過由於太入，而且剛開店，所以揾侍應有d困難，要親自出去叫侍應入黎。
有個餐都幾啱食，不過for 6 人，於是我地再加多其他餸。
Citibank 有精選菜式85折。散叫咗擔擔麵、雪菜炒年糕、鳳尾魚、嫩雞燴麵、三鮮鍋貼、鮮肉鍋貼、麻辣牛舌、拔絲蓮藕。
前菜有滬式叁小碟：蔥油窩筍海蜇絲、醬蹄同燻魚；再加埋散叫嘅鳳尾魚同麻辣牛舌。
麻辣牛舌超正，一定要叫，牛舌切薄片，上面鋪咗好多辣椒碎之類的香料。
牛舌雖薄，但很有牛舌的爽口，麻而不辣，做得很好~
鳳尾魚炸得超乾身，好脆，又唔油膩，味道帶微甜。
蔥油窩筍海蜇絲，味道正常，但不特別。
醬蹄幾好食，都係切薄片，味濃。燻魚ok，不過較濕，味道甜甜地。
海皇豆腐羹係個餐嘅，for 6人嘅羹都分到8碗，份量不錯。通常呢d羹都係生粉水，所以無乜特別，不過味道清清地，都食到豆腐、帶子同蝦粒，不過不失吧！
片皮鴨，即場切，起肉起皮，都好多，分成兩碟。外皮脆，唔會太肥；不過鴨肉燒得過乾，好鞋。
清炒蝦仁 (餐)，真係好清，無咩味，蝦爽口。擔擔麵，唔...，味道唔算特別，無一種特別嘅香濃味，食到有麻醬同微辣，但整體味道未能刺激味蕾。
嫩雞燴麵，味道正常，切合燴麵嘅要求，味道清，麵好淋。
雪菜炒年糕，味道淡，調味欠佳，年糕本身無味，所以調味十分重要，如單靠雪菜調味係唔夠。年糕質地柔軟，口感不錯，軟軟滑滑。
三鮮鍋貼&鮮肉鍋貼分別在於一個有韮王，一個無。兩者都煎得外皮香脆，無肥膩之口感，肉餡juicy~做得不錯~
拔絲蓮藕，親友們話好食，好爽脆喎。
個楊枝金露超唔掂，有無QC過架！D 柚肉勁苦澀，破壞晒成碗甜品嘅味道。如果唔係d柚肉太苦，其實整體味道不錯，芒果又甜，西米又多。
张贴
