Ms.K布丁燒專門店 (已結業)

一入到間店已經聞到好香甜既味(唔刺鼻既) ，同埋環境都好乾淨整齊。呢間布丁燒係得外賣冇位坐既，佢會問你e+食定拎走既，我就拎阻返屋企慢慢嘆。紙袋有入仲有個托住杯布丁既紙托，以防倒瀉，好貼心因為個布丁燒係建議要反轉倒出黎食既，所以有埋個紙碟仔提供埋比你。伯爵茶味布丁燒唔知係咪要迎合香港人口味，中意食唔甜既甜品呢😂個人覺得個茶味布丁係夠香夠茶味既，但就冇甜味但又唔會有茶苦味既放心，係得個蛋糕位有甜味，所以一定要一啖有晒布丁同蛋糕係個口到mix返一齊就岩岩好啦，可能呢個就係要你反轉倒出黎食既其中一個原因掛。