AMMO

营业中

休息中

Dining Week 月月密密食！Ammo本来上一转dining week已经想试，但系就唔啱时间，结果半年后先去试。虽然话隐敝，但其实响正金钟Conrad隔离既亚洲协会中心，只不过系个入口比较少人出入同难揾。同另一半加埋友人一行三人去试tasting menu，去到既时候有一枱客，但好快就走左。。结果全晚只系得我地一枱三个人。餐厅环境好靓，打卡一流，洗手间响协会中心里面，亦十分寛敞。Tasting menu 头盘主菜甜品各有三个选择，我地又咁岩三个人，既然如此咁就成个menu叫晒佢share啦。个Risotto中规中距（无办法因为几日前先试完个高质risotto），寛条面亦无甚惊喜，牛扒都算唔错，整体上感觉价钱有一半以上系食紧个环境同装修。是晚开左支意大利Chianti，衬返啲意大利fusion菜，尚算不过不失。Tasting menu $680 位加一。