影片
更多
2018-10-04
2385 浏览
一路都對印度人主理嘅餐廳非常之有好感，有次撞咗上尖沙咀呢間印度餐廳食野，在場嘅客人+員工絕大部份都係印度同鄉😂 成個感覺都好正宗，咁就試試佢啦～睇睇下餐牌先發現。。。噢！原來全部都係素食咖哩，好似發現新大陸咁新奇，一直以為咖哩一定係配雞羊牛，原來仲有素食呢個選擇，一試無妨～～餐牌啲字密密麻麻，選擇極多！！選擇困難如我就有啲無從入手，因為印度都有分唔同地區嘅咖哩，再加唔同配菜、菌類等等，甚至比肉類更多選擇。。。最後決定睇圖嗌！午餐時段可以揀lunch set，不過我見好似好多澱粉類同好dry就嗌返一份份。蘑菇炒飯（特色飯）用印度個種長米加上洋蔥、辣椒、唔同香料同蘑菇炒成嘅飯，另外有款平啲嘅係無醬版本。我地就嗌咗個個有配白色乳酪醬，只能說好彩有呢個解辣一流嘅醬，因為個飯真係勁勁勁辣。。。岩岩第一啖會覺得還好，好香好惹味，食食下就會開始眼水鼻水一齊黎，後勁凌厲嘅辣！！但又會令人食唔停口，因為香料味好重，好正！！蘑菇切到有返咁上下厚度，食落去同飯有唔同口感，我覺得好食過配肉～～印度咖哩蘑菇（北印度咖哩）又嗌咗個蘑菇類，其實係想嗌雜菜嗌錯咗，anyway係好食嘅！雖然呢個咖哩都係辣，但都冇上面個
一路都對印度人主理嘅餐廳非常之有好感，有次撞咗上尖沙咀呢間印度餐廳食野，在場嘅客人+員工絕大部份都係印度同鄉😂 成個感覺都好正宗，咁就試試佢啦～
睇睇下餐牌先發現。。。
噢！原來全部都係素食咖哩，好似發現新大陸咁新奇，一直以為咖哩一定係配雞羊牛，原來仲有素食呢個選擇，一試無妨～～
餐牌啲字密密麻麻，選擇極多！！選擇困難如我就有啲無從入手，因為印度都有分唔同地區嘅咖哩，再加唔同配菜、菌類等等，甚至比肉類更多選擇。。。
最後決定睇圖嗌！午餐時段可以揀lunch set，不過我見好似好多澱粉類同好dry就嗌返一份份。
蘑菇炒飯（特色飯）
用印度個種長米加上洋蔥、辣椒、唔同香料同蘑菇炒成嘅飯，另外有款平啲嘅係無醬版本。
我地就嗌咗個個有配白色乳酪醬，只能說好彩有呢個解辣一流嘅醬，因為個飯真係勁勁勁辣。。。
岩岩第一啖會覺得還好，好香好惹味，食食下就會開始眼水鼻水一齊黎，後勁凌厲嘅辣！！但又會令人食唔停口，因為香料味好重，好正！！蘑菇切到有返咁上下厚度，食落去同飯有唔同口感，我覺得好食過配肉～～
印度咖哩蘑菇（北印度咖哩）
又嗌咗個蘑菇類，其實係想嗌雜菜嗌錯咗，anyway係好食嘅！雖然呢個咖哩都係辣，但都冇上面個蘑菇飯咁辣了，上面個個辣到喊，呢個係辣到出汗姐😂😂一樣係落重手香料味，不過除咗辣之外都有種特色嘅甜甜地嘅味～配烤餅食真係好出色，不過就咁食亦可！
芝士波菜（北印度咖哩）
呢個同我預期中有些少出入，以為仲會食到少許菠菜，但實際上係全部打溶晒，就咁一堆綠色醬撈芝士。雖然個樣好伏，但味道還是不錯的，芝士係一舊舊方形咁，好好𡁻，同埋份量驚人，好似食極都仲有咁（可能芝士本身膩先會有呢個錯覺啦）
打完上面啲大佬，我覺得呢個係完全唔辣，應該唔算係咖哩？就係菠菜醬汁加芝士咁～雖然呢度真係冇肉食，但我唔係素食者都唔覺得特別dry，甚至覺得配芝士/菌類嘅咖哩更加合我口味
椰菜餡薄餅
岩岩出爐嘅薄餅有少少燶邊，要快啲趁熱食，凍咗係冇咁煙韌的。除咗椰菜餡仲加咗啲薯仔紅蘿蔔同莞茜，似雜菜薄餅多啲。我食一塊都開始飽飽地，又食飯又食薄餅，建議可以嗌飯/薄餅是但一樣就得，個人覺得薄餅點咖哩食會正啲～
食到尾聲，真係辣到不行，先嗌咗個芒果拉昔，即係芒果沙冰咁啦，解辣一流，一黎就飲晒了，可想而知有幾辣。
除咗嗌野飲，開水飲都係要另計錢的，所以嗌咗野飲就唔好亂開啦～～
张贴
