影片
更多
2022-02-07
349 浏览
今日生日諗住開開心心食餐生日飯，經過荃新天地見佢試業就試下佢。 人客非常少，連埋我地得兩三枱。 一坐底嗰個四眼經理啲態度已經唔多好。算數啦 諗好之後落單，嗌咗個「田中極上本鮪海鮮丼」、「稻庭烏冬+雜錦壽司」、「軟殼蟹手卷」同「燒油甘魚鮫」第一樣茶碗蒸係好食嘅，足料好味夠熱。 第二樣麵豉湯，飲咗一啖已經唔想再飲。 之後嚟嘅壽司同烏冬正常一般水平。當我食完啲壽司之後，先發現我食嗰啲有啲唔對路.... 原來唔係我落單嗰啲😰因為諗住每款壽司有2件可以同太太分享。同返經理講，佢回覆「咁收返你嗰個價錢囉」（仲要插哂袋挨條柱咁講）起碼係咪應該講聲唔好意思？（我食完先發現都係有唔啱, 我同佢講返嘅時候有同佢講唔好意思） 之後再嚟軟殼蟹手卷，一上枱啲紫菜就“梅”哂啦。成場得兩三枱客都咁嘅出品最後係燒油甘魚鮫，我地2：00落單，到2：40都未嚟，我叫侍應幫我跟一跟，如果未整就取消。 （又係）四眼經理，大大聲講「燒油甘魚鮫要等㗎喎，起碼正四個字啦，要燒㗎」當時我冇出聲，生日又新年，唔 同你開年，我等 咗八個字啦！其他嘢所有嘢食 哂都未嚟先叫你跟下咋。 最好笑係, 食完一肚氣諗住埋單走人，全個
諗好之後落單，嗌咗個「田中極上本鮪海鮮丼」、「稻庭烏冬+雜錦壽司」、「軟殼蟹手卷」同「燒油甘魚鮫」
第一樣茶碗蒸係好食嘅，足料好味夠熱。 第二樣麵豉湯，飲咗一啖已經唔想再飲。 之後嚟嘅壽司同烏冬正常一般水平。
當我食完啲壽司之後，先發現我食嗰啲有啲唔對路.... 原來唔係我落單嗰啲😰因為諗住每款壽司有2件可以同太太分享。同返經理講，佢回覆「咁收返你嗰個價錢囉」（仲要插哂袋挨條柱咁講）起碼係咪應該講聲唔好意思？（我食完先發現都係有唔啱, 我同佢講返嘅時候有同佢講唔好意思）
之後再嚟軟殼蟹手卷，一上枱啲紫菜就“梅”哂啦。成場得兩三枱客都咁嘅出品
最後係燒油甘魚鮫，我地2：00落單，到2：40都未嚟，我叫侍應幫我跟一跟，如果未整就取消。 （又係）四眼經理，大大聲講「燒油甘魚鮫要等㗎喎，起碼正四個字啦，要燒㗎」當時我冇出聲，生日又新年，唔 同你開年，我等 咗八個字啦！其他嘢所有嘢食 哂都未嚟先叫你跟下咋。
最好笑係, 食完一肚氣諗住埋單走人，全個場得兩個人識得點樣收信用卡，點知一個去咗買麵包，一個去咗泊車。（Are you kidding me??） 成個場人客已經少，班廚房大佬係咁講粗口，最可愛就係個經理，態度又 差，成日開個大廳嗰度開到佢個電話大大聲咁聽佢嗰啲 Voice message，開工期間自己走左出去泊車，返到黎仲要大大聲係度講頭先自己泊車點樣點樣、平時泊車又點樣點樣。我係老闆請著你呢啲員工就真係有幸啦。 亲呀！你成個場得小貓幾隻咋，食品質素已經麻麻地，又落錯單，又態度差，係想點 樣呢？
總結：如題「唔試也罷」！
(利申：已email去日本總公司投訴)
麵豉湯
7 浏览
1 赞好
0 留言
张贴
