影片
更多
2020-11-09
32 浏览
成日經過藍馬之城一定會係門口見到米走雞個招牌, 亦都聽過佢最出名係火焰雞煲同埋芝士雞煲, 而家天氣涼左, 條雞煲癮又起, 今晚就放卜過泥食! 上到2樓一開LIFT門就係啦, 店員好好招呼, 坐低之後就放低醬料比我地啦~ 火焰麻辣雞煲 (小)店員會放低雞煲焗一焗, 然後翻炒一陣, 重頭戲就係會點火! 一點火氣勢出哂黎, 同時聞到雞煲既香氣, 都咪話唔吸引! 蔥蒜等等超香既配料梗係唔少得, 雞件係脾位, 件件都多肉又嫩滑,雞煲醬超濃味而且又香又麻, 醬汁 掛滿每件雞, 真係非常惹味! 仲有就係煲內有好多好多洋蔥, 本人係食雞煲既時候另一最愛就係煲內既洋蔥, 岩哂我口味!手切特級霜降和牛 (大)眼望都見到好靚既脂肪分佈, 而且切得大塊均勻有厚度, 靚牛放入鍋拖幾拖, 7-8成熟就最好味! 入口有濃濃既牛油脂香氣, 牛味香濃, 肉質嫩中帶彈牙, 口感一流!竹笙墨魚滑(半份)竹笙入面塞滿新鮮墨魚滑, 竹笙索哂湯汁, 口感脆脆地再配上入面彈牙鮮味既墨魚滑, 不敗之選!山藥食完咁多野, 最後食番個蔬菜令自己個心好過D, 切片既山藥厚薄剛好, 滾一滾就係我最中意既爽脆口感!整體泥講依度個雞煲真係好惹
火焰麻辣雞煲 (小)
店員會放低雞煲焗一焗, 然後翻炒一陣, 重頭戲就係會點火! 一點火氣勢出哂黎, 同時聞到雞煲既香氣, 都咪話唔吸引! 蔥蒜等等超香既配料梗係唔少得, 雞件係脾位, 件件都多肉又嫩滑,雞煲醬超濃味而且又香又麻, 醬汁 掛滿每件雞, 真係非常惹味! 仲有就係煲內有好多好多洋蔥, 本人係食雞煲既時候另一最愛就係煲內既洋蔥, 岩哂我口味!
手切特級霜降和牛 (大)
眼望都見到好靚既脂肪分佈, 而且切得大塊均勻有厚度, 靚牛放入鍋拖幾拖, 7-8成熟就最好味! 入口有濃濃既牛油脂香氣, 牛味香濃, 肉質嫩中帶彈牙, 口感一流!
竹笙墨魚滑(半份)
竹笙入面塞滿新鮮墨魚滑, 竹笙索哂湯汁, 口感脆脆地再配上入面彈牙鮮味既墨魚滑, 不敗之選!
山藥
食完咁多野, 最後食番個蔬菜令自己個心好過D, 切片既山藥厚薄剛好, 滾一滾就係我最中意既爽脆口感!
整體泥講依度個雞煲真係好惹味冇得輸, 而火鍋配料亦全部都好新鮮, 值得再回頭!
张贴
