雲來軒 (已結業)

见今日星期六得闲就同屋企人来到呢间同事都赞好的酒家食晏，但系我来的过程有啲曲折，因为棉登径原来分两边，我地行错咗方向，所以好耐先找到。入到去佢的装修同一般高级茶楼一样，有啲卡位，又有啲大枱。我地四个人可以座卡位，个卡位其实可是坐到六个人，所以都坐得好舒服。讲下个好有特色的螺汤，因为佢系位上的，你估下佢用咩上个汤？答案系紫沙茶壶同茶杯，仲有个盆一套咁上，只系睇都好有特色，而且个汤好清好甜，仲有鸡脚比你食，好好味呀。系茶楼大家都会烧卖，呢到系一个豪华版，佢有只好大只的鲍鱼系到，整得好靓，有啲唔舍得食。仲有虾饺，个皮好薄好好食。个斑球露荀，斑球炒得刚刚好，好嫩好滑，露荀就好脆，啲色已经好好睇，食落真系好好味。咁样的质数，贵啲都抵啦！