羊鞍餐廳 (已搬遷) 新店位置

又一間龍城新餐廳...西式茶記格局，賣嘅卻係法式菜。下晝嚟到，極多學生哥幫襯...座位之間位置頗迫。冇辦法，店太細...開宗明義叫自己做"羊鞍"餐廳，唔叫lamb rack叫乜?先嚟個湯，喝一口，竟然係lobster bisque，嚇一跳。不過呢個係低水準嘅lobster bisque，不夠濃，完全冇龍蝦鮮味；garlic bread薄薄一片，面頭搽上嗰D一睇就知係罐頭蒜茸醬，不食也罷...主菜嚟到，燒羊鞍伴珊瑚麵。點菜時不斷地諗: "天使麵、闊條麵、長通粉等等我都聽過，但就從來冇聽過乜嘢叫做珊瑚麵。究竟係乜東東嚟 ?"...望一望，原來只係將普通即食麵炸成脆脆一塊餅嘅形狀而已...有創意，但食味極度差勁....開始有D驚。切開塊lamb rack，好彩唔算太韌。叫七成熟，望落去就差唔多有八成以上。好在塊羊本身品質不太差，皮下面仲有少少肥糕添，啱我。但食一啖，淡而無味，亳不juicy，要醮上大量嘅sauce先食到落....越食越冇心機，放棄...只此一次....