影片
更多
2010-07-19
43 浏览
上星期六阿媽生日，係紅磡廣場間稻香晚飯，結果一肚氣！由於親戚唔多，人數兩圍唔夠，一圍又有多，所以每年都要事先問實，確定有幾多人先至訂位，最好係十六人，咁樣好多酒樓都有咁大張枱。今年十八人，一定年要分兩圍。個多月前見紅磡廣場開左間稻香，親友都住在東區，106隧巴又剛在廣場對面有站，走更方便，廣場門口已經有站。於是打電話問酒樓尋晚有冇廳房，答稱廳房有，但一定要分兩圍，每圍九個人。於是叫酒樓傳真菜單給我，其間仲改左幾次，到確定後，我還叫個阿姐將改好嘅菜單再傳一次給我。直至上星期六，成日間酒樓都冇人再打電話給我，心想就算訂枱食飯，很多時酒樓都會再打次電確定一吓，呢間酒樓都真係幾怪。誰知尋晚去到稻香，佢竟然話我冇訂枱，問我有冇去錯酒樓！我話菜單都確定左，跟住拎埋張菜單及講出同我寫菜位阿姐個姓。好彩個阿姐有係度，佢話佢都有印象，我話梗係有印象啦！我地電聯左好幾次。佢話我冇講實日期、亦冇落訂，所以佢冇同我寫低！我話我一早問實佢，確定尋晚有廳房先至寫菜單，佢點可以話唔知邊日！至於冇落訂，如果佢酒樓需要預先落訂，佢係咪有責任提醒我呢？可能我都有責任，但係過去果幾十年，我年年同阿媽做生日，都冇試過有酒樓/
由於親戚唔多，人數兩圍唔夠，一圍又有多，所以每年都要事先問實，確定有幾多人先至訂位，最好係十六人，咁樣好多酒樓都有咁大張枱。今年十八人，一定年要分兩圍。
個多月前見紅磡廣場開左間稻香，親友都住在東區，106隧巴又剛在廣場對面有站，走更方便，廣場門口已經有站。於是打電話問酒樓尋晚有冇廳房，答稱廳房有，但一定要分兩圍，每圍九個人。於是叫酒樓傳真菜單給我，其間仲改左幾次，到確定後，我還叫個阿姐將改好嘅菜單再傳一次給我。
直至上星期六，成日間酒樓都冇人再打電話給我，心想就算訂枱食飯，很多時酒樓都會再打次電確定一吓，呢間酒樓都真係幾怪。誰知尋晚去到稻香，佢竟然話我冇訂枱，問我有冇去錯酒樓！我話菜單都確定左，跟住拎埋張菜單及講出同我寫菜位阿姐個姓。好彩個阿姐有係度，佢話佢都有印象，我話梗係有印象啦！我地電聯左好幾次。佢話我冇講實日期、亦冇落訂，所以佢冇同我寫低！我話我一早問實佢，確定尋晚有廳房先至寫菜單，佢點可以話唔知邊日！至於冇落訂，如果佢酒樓需要預先落訂，佢係咪有責任提醒我呢？可能我都有責任，但係過去果幾十年，我年年同阿媽做生日，都冇試過有酒樓/酒店要我落訂喎！
結果個阿姐自知理虧，係咁講對唔住。我話講對唔住係冇用嘅，我依家叫晒人梨點解救先？咁我寫左嘅菜有冇得食先？個阿姐話尋晚已經冇晒廳房，話係大廳俾個静D嘅角落俾我好唔好？我話我有得揀咩？跟住訂左兩條東星斑又冇，要改食老虎斑；訂左荷葉飯又冇，要改瑤柱蛋白炒飯；明明千叮萬囑要有壽包，佢居然整個美點雙輝我地，真係俾佢地攪到我呢個完全冇火氣嘅人火都梨埋！正所講老娘發火、非同少可！結果佢話再送埋壽包我地食。唉！錢銀事少，一年一次啫！呢次童年陰影，我諗直至佢執果日我都唔會再幫趁！
至於食物質數很一般，可能當晚火燒心，食而不知其味！
张贴