潮福蒸氣石鍋 (已結業)

就在附近的這間潮福蒸氣石鍋，放工後馬上試下。呢到所有食物都係放入石鍋入面蒸，不同的食物，蒸煮時間也不同，下單後店員會幫忙會食物一一處理，只係坐低等食就得喇。先食「日本大元貝皇 」大隻又厚肉，肉身開邊再蒸，蒸煮時間控制得岩岩好，當中粉絲吸收晒鮮汁，撈埋d蒜粒，yummy~ 「紐西蘭聖子皇」比帶子更鮮甜，入口爽脆，聖子皇一隻已經令人滿足。龍蝦有幾種，試左最平個款，開邊一人一半，肉質彈牙紮實！呢到海鮮好新鮮，全晚不用再添加醬油，單單蒜味已經令味道提升不少。 瓜子斑，肉質幼滑，魚皮膠質豐富，但魚鱗有些清得不夠乾淨。蒸煮方面，魚肉岩岩離骨，控制時間岩岩好。食完海鮮係時候食「蟲草花紅棗蒸雞」，雞件不大，肉質很滑，加入不少蟲草花、紅棗及薑，當中蔥段吸收晒雞肉精華。最先頭在石鍋加入米同排骨，沒有加任何水呢，最後精華盡在呢個粥當中，海鮮同雞既精華加埋一齊甜到漏呀！