米線樂•麻辣豬骨濃湯 (已結業)

去開長沙灣探親戚，夜晚返屋企之前就想買個外賣返屋企食，今日凍凍地想食下啲熱湯，就諗起食米線，見到呢間豬骨濃湯米線專門店，好少見到有米線舖係用豬骨湯做主打。起碼我自己冇食過🤔我哋兩個一人叫咗一個麵，一個要酸辣豬骨湯麵，一個就試吓呢個涼皮。另外仲叫咗兩個小食同兩支飲品。酸辣湯麵感覺食得好舒服，因為完全唔覺得油膩，而且好濃郁豬骨味，好難得米線店嘅湯係唔油膩㗎，辣到適中啱啱好，叫咗金菇，金菇索晒啲湯汁好入味。另外涼皮係叫咗一個萵筍，同滷水雞翼，入邊嘅醬汁係撈左麻將花生醬，啲面唔會好凍，暖暖地，啲涼皮亦好入味，索晒啲醬汁好好食。但係稍為辣咗少少，老公就覺得OK！小食方面，點左我哋常食嘅手拍青瓜同埋蒜泥白肉。蒜泥白肉好足料，好多辣椒，蒜味好香，但係稍為覺得可以再多少少鹹味～應該好好味夠晒辣。飲品方面就點左店員推介佢哋餐廳自製嘅特飲，顏色好靚，倒出嚟仲有花添！