芽莊越式料理 (已結業)

嗰日想食越南嘢，本身想食我食開嗰間至愛不過又想近近哋，近我同男朋友返屋企於是求其啦就芽莊啦男朋友先攞位，我喺公司趕過嚟我個人比較鐘意維多利亞式裝修，呢個係暫時我覺得呢間鋪嘅少數優點之一嚟得食越南嘢就一定係叫pho啦。傳統越南河個湯係用牛血同牛骨髓做湯底，咁先夠濃夠香。香港啲人驚，舖頭就modify一下，用牛血清同牛骨髓。我都預咗冇呢啲嘢嘅喇..點知個湯仲衰過即食麵湯底淡謬謬!!得啲顏色嘅咋同得個鹹字!!再嚟䉀蝦。䉀蝦就普通啦，不過佢俾咗啲basil葉我哋去包，又有啲紫蘇葉正點～!再上男朋友個香茅豬扒凍檬。佢就覺得OK..我覺得一般啦，不過值得一提係個豬扒都唔算韌軟殼蟹米紙都上了其實我嚟呢度最鐘意都係呢個卷卷，不過唔知我係唔係記錯咗呢，我比較鐘意食入面係米粉多過入面係白蘿蔔絲囉..我唔食得白蘿蔔㗎米紙都好軟熟，唔係整起咗待用嗰啲好厚好難咬嗰啲..最後(其實我都唔明，點解啲次序錯晒嘅啫!!)上嘅係今次我第一次試嘅蝦多士..可能我諗住係我食開嗰啲蝦膠加薄薄麵包嗰啲蝦多士，點知..係..唔鐘意啊!!好厚啊!!結論係..唔係近，我會返我愛店度食囉!