影片
更多
2011-09-29
108 浏览
今個月突然興起想吃一餐下午茶自助餐, 在星期四打了好幾個電話訂位,但不是滿了就是一些不太願意坐的高櫈(吧櫈)之類, 終於在打第四間:Yamm嘅時間,得到比較正面嘅回應, “有位”當然係”要啦”不過15:30才開始就有點遲囉,當日三點半準時到達, 客人不算多, 放出來向外面的是”甜品櫃加雪糕專櫃”好明顯突出了什麼是這裡的賣點了, 其他的都只是點綴一下, 法飽水準OK亦有本人至愛的總統牌牛油, 只要用它就基本上什麼飽都覺得好食, 沙律就只係一些搞好的品種,如薯仔沙律, 長通粉沙律, 燒鴨椒絲沙律,都是些容易飽肚嘅品種, 但當日的紅洋蔥就比較幸辣了一點, 同平時食開的淡淡然比較清爽的不一樣, 不過沒有自己攞菜那種沙律菜(羅馬生菜,火箭葉之類),咁又有點失望囉壽司品種亦是一般的款式, 不過沒有三文魚的份兒倒有點意外, 我只拿了”熟蝦/生魷魚, 兩樣都不太差, 米飯也OK咸點三文治類: 吞拿魚迷你牛角飽,飽明顯受潮了影響口感, NO GOOD! ONLY GOOD LOOKINGMini Bagel with tuna mayo filling : Filling份量太少,好似淨食緊個飽咁,反而
當日三點半準時到達, 客人不算多, 放出來向外面的是”甜品櫃加雪糕專櫃”好明顯突出了什麼是這裡的賣點了, 其他的都只是點綴一下, 法飽水準OK亦有本人至愛的總統牌牛油, 只要用它就基本上什麼飽都覺得好食,
沙律就只係一些搞好的品種,如薯仔沙律, 長通粉沙律, 燒鴨椒絲沙律,都是些容易飽肚嘅品種, 但當日的紅洋蔥就比較幸辣了一點, 同平時食開的淡淡然比較清爽的不一樣, 不過沒有自己攞菜那種沙律菜(羅馬生菜,火箭葉之類),咁又有點失望囉
壽司品種亦是一般的款式, 不過沒有三文魚的份兒倒有點意外, 我只拿了”熟蝦/生魷魚, 兩樣都不太差, 米飯也OK
咸點三文治類: 吞拿魚迷你牛角飽,飽明顯受潮了影響口感, NO GOOD! ONLY GOOD LOOKING
Mini Bagel with tuna mayo filling : Filling份量太少,好似淨食緊個飽咁,反而個bagel質地又唔錯喎,
法飽配蕃茄/水牛芝士/綠紫蘇olive oil : 首先這個三文治要接受飽會被蕃茄汁潮了不再脆這事實,那麼它就是一個都幾清新可口嘅小食
莎樂美腸三文治: 這裡用的莎樂美腸十分之啱自己口味,不太咸同時亦甘香非常,
烘香咗嘅火腿芝士麥飽多士: 這個是自己常到”美心快餐”叫的下午茶餐今天在這裏出現了,當然酒店用的芝士是上等貨,不會一過熱就溶化成一灘奶油混合物,GOOD
西式熱葷有蕃汁燴大大碌肉腸(不過這種經常在凍肉鋪賣的司華力腸,大部份是粉漿,味精,真實的肉似乎無乜,怏餐店愛用) 雖見很多人攞但我倆沒有攞,因為知道吃了它又會消耗稍後的空間, 還是留給其他客人拿吧
煎迷你漢堡扒- 估佢唔到又幾正喎, 真係扒不可以貌相, 好有牛肉味又夠晒juicy
其實在西點小食那裏已經有個迷你漢堡飽不過是夾了些好像是莎樂美腸之類的東西, 自己如果稍為攞埋位加工一下,應該好容易就做到一個有漢堡扒嘅漢堡飽給自己享用了,
燒沙甸魚: 雖然個牌寫住係”秋刀魚”不過點睇它都不是”秋刀”,這種油脂重的魚用來燒都係一個唔錯嘅主意, 食落唔感覺太肥膩亦因為是燒的,肉變少少囄口亦是理所當然的, 不過如果有個醬點下會更”正”囉
咖哩角: 內餡是薯仔饀, 印度式, 但也是一般的通病, 因為蓋上了蓋, 咖哩角的皮回潮了, 另一個炸物:炸豬扒亦犯了同樣的失誤, 吃了小半件,已經夠了
但這裡亦有做得相當了得的炸物: 炸魚薯條, 炸魚的炸衣香脆之餘, 魚肉亦很有魚肉味, Mayo杰度亦夠, 要彈的話只能講是炸完之後在上面灑上的塩稍為重手了點, 薯條只能吃幾條就罷手了,
泰式肉醬伴炸米通: 炸米通顏色能保持雪白, 炸物中的高手, 泰式肉醬甜甜帶小辣, 同樣好味道但只能吃一次就夠了,
星洲炒米: 咖哩味不足亦完全不辣, 只有黃色是足夠的, 肉類只有燒鴨絲, 連蝦仔都無隻, 完全唔專業嘅星洲炒米,
炒烏冬: 開頭以前是日式炒烏冬, 到攞埋位食落口第一啖才知道是咖哩牛肉炒烏冬, 烏冬質地過淋, 不過調味就幾好嘅, 另外還見有ODEN 不過看見內裏只有白蘿蔔,紅蘿蔔同熟蛋, 吸引力唔大囉,
日式餃子: 很一般的日式餃子, 只覺得這日式餃子油頭粉面,賣相麻麻
咖哩蛋: 這還是頭一次在食自助餐時見這麼多”烚蛋”啊, 當然幫襯的客人不會多啦, 吃一隻熟蛋隨時要減三件甜品, 我估計誰都會計算這種数,
中式點心有乾蒸牛肉燒賣: 普通貨色, 蒸金沙千層糕: 這個賣相幾得下而且夾的咸蛋黃(金沙)真才實料, 在中間的夾層-饅頭皮亦很鬆軟,
開始進入戲肉了, 甜品方面, 個人認為較好的有:合桃蛋糕, TIRAMISU,白酒啫喱,黑森林蛋糕, 比較上唔係自己杯茶的有: 樣子甜美嘅簿荷朱古力合桃蛋糕- 質地鬆軟得來又能鎖住裏面嘅水份, 明明係牛油蛋糕但又沒有令人食落有牛油的肥膩口感, 配合那份少許的合桃苦澀味又帶果香味,再而食到金提子干的絲絲微甜, 呢個真的是達致牛油蛋糕的至高境界了,自己都好少咁讚人的,不過它真的是超額完成, 其他還有一些類似的夾雜了雜菓皮的牛油蛋糕品種皆屬”正嘢”咪走雞
Tiramisu- 質地好滑, 奶味好香, 甜度剛好, 中間個層嘅蛋糕係海棉蛋糕而不是手指餅,所以酒味並沒有太出,
黑森林蛋糕- 最令人精神一震的是放於蛋糕面的酒漬櫻桃,顏色看似淡了一點但一咬下去,那濃烈的櫻桃酒香直撲大腦, 喜愛酒味的食友們不能錯過這個蛋糕啊
紅豆綠茶蛋糕- 沒有食,因為個樣唔吸引之餘,重發現個餅底有些少出水的情況,
朱古力薄荷蛋糕- 鮮綠色的外型幾吸引, 於是切一小片試下,味道都OK有薄荷味但其他的味道則感覺唔到了,除咗甜味, 不吃也沒有損失,
雪糕放至最後階段,所以只可以淺嚐兩球, 質地不錯,只係負責挖雪糕的小朋友"心不在焉"看他那股空洞的眼神就知道佢留在那裡的只是個空殼,最後吃到生果盤已經很頂胃了,生果源源不絕供應至最後,
咖啡/茶再落格後,我倆這晚完全不用再吃晚餐了
张贴
