1
帶子仔沙律雖然帶子真係細細粒，但佢同出面個啲餐廳唔同，佢有好多粒，唔似得出面個啲得個幾粒就叫自己帶子沙律！呢度份量十足非常好:)之後就黎魚生刺身，有蝦，帆立貝，油甘魚同三文魚腩。刺身好新鮮，幾好~ 其實食呢啲，都係食佢新唔新鮮，如果唔新鮮~幾貴幾靚既魚都係唔好食。到三文魚親子卷，佢外面用厚厚既三文魚包住，上面有大大粒既三文魚子襯托。唔通佢親子卷既意思係咁？三文魚拼上三文魚子。
1
之後黎既有炸蠔，燒大蝦同埋豚肉野菜鍋。炸蠔好酥脆入面一啲都唔腥，做得幾好。燒大蝦，佢係用牛油燒，好香牛油味，黎既時候已經香噴噴，蝦肉都好爽口，做得好
最後有豚肉野菜鍋，有晒粟米，冬菇，蕃茄，豆腐，紅蘿蔔同埋好多種其他菜。加埋湯烏冬，又好味，又健康，非常好。好彩最後都應承朋友一齊黎食飯，唔係就miss左呢個食好野既機會了！嘻嘻～
