日悅極尚日式放題 (已結業)

是晚大年初二，拜完年後經過尖東見到呢間新開放題咪入去試吓。地方非常大，枱與枱之間隔左成張枱位，不過梳化位坐既位置不合比例地窄，坐得麻麻。首先飲品，選擇非常之多，除左呢D之外，出面自助吧有清酒梅酒茶包杏仁茶等等，啤酒都有兩款，唔錯。斟左碗味噌湯，味道好奇怪。刺身冇影到，不過幾好既黑松露油甘魚壽司，油甘魚好乾海膽軍艦壽司，OK既冇腥味天婦羅好夠熱，蟹棒唔錯，蝦冇驚喜羊架，非常羶，食唔落煮牛柳，正常味道辣酒煮蜆，辣度岩岩好，蜆冇沙甜品區，其他放題見慣見熟沙津，菜不太新鮮所以冇食海鮮區小朋友有得畫畫應該好開心旁邊仲有幾張單人梳化，幾岩大合照雪糕，movenpick同haagen-dazs 各兩款味有燒豬可以拎既時候侍應會響鈴鈴話你知，燒豬幾好既總結，侍應幾友善，主動收碟同骨呢樣抵讚既，環境闊落到我覺得佢可以擺多好多張枱。食物質素冇驚喜，都係一般貨仔。但食完呢餐之後，我同同行朋友加埋肚屙左五次，可能有野唔新鮮/未熟。以三百幾蚊尼講，同區應該有好多更好既選擇。