I's Land Cafe (已結業)

星期日，行街行到駱駝七想食個下午茶。見到呢一間餐廳環境都幾好，就入咗去試吓個紅莓鳥籠下午茶set。成個餐只係得個沙律同馬卡龍比較正常。漢堡包嘅煙三文魚細塊到飛起，個包係凍嘅。個cupcake蛋糕個part仲差個嘉頓買嘅，食到成口都係粉。個布甸淨係食到魚膠粉味是日果汁係橙汁，個橙係酸嘅都算，佢連核連皮咁樣榨出嚟，又苦又澀又有渣。個奶昔感覺好似飲緊士多啤梨奶咁最激氣係有咩理由單點一個套餐都多可以計多左＄28。