後街牛扒

营业中

休息中

今次老闆生日，同佢慶祝，佢指定要食牛，當然揀 後街牛扒，最穩陣永無甩拖，啱晒。今次食B餐及D餐。B餐牛柳，油脂相對少。D餐牛扒，肉味較濃，重口味，但兩樣效果味道同樣精彩。我倆同選烤蔬菜代替薯條。烤菜一如既往，雖然說是配菜，但是一啲都唔馬虎，蔬菜在碟上時是有溫度的，證明見處理過及堅烤熟過。反而今次的蘑菇湯，我本人略嫌不夠熱。主菜呢，牛肉，就相當出色，好似是這幾次以來(兩個月來的第三次）最出色的一次。肉質鮮嫩，五成熟，剛好。入口口感鮮嫩，不老不靱，亦冇渣。今次因為老闆生日，特登再訂枱時預訂咗一件蛋糕。估唔到，餐廳自己送上小禮物。🤩🤩總之，食物出品的質素，穩定嘅食物水準，絕對可以放心帶朋友，家人，男女朋友，上司下屬，姨媽姑姐，親朋戚友，豬朋狗友，諸君各位等等來。溫馨提示，小店座位有限，請預早上網book位。