影片
更多
2022-09-30
38 浏览
辛苦左一年終於出bonus啦！為咗慰勞吓自己，今日去咗尖沙咀食期待已久嘅Omakase！朋友介紹咗呢間新開嘅舖頭 — 鮨盛，今次第一次嚟就揀咗Business Lunch Omakase（$680），有先付 appetizers、刺身、季節料理、八款廚師發辦壽司、手卷、玉子燒、湯同甜品。一早預約左，去到舖頭店員就已經招呼到吧檯前坐低，弧形吧檯大概可以坐12人，仲有高私隱度VIP房。店內裝修以簡約木系同灰色為主，近門口有一大個酒櫃，有唔少細節位都突顯設計師心思。除咗洗手間、儲物櫃等全部隱藏於木門後面，保持店內設計一致性，其中一面牆裝咗大型LED屏幕，顯示楓樹帶出秋意，呼應一陣將會送到客人面前嘅時令食材！同師傅打咗招呼就坐低係中間位置，食omakase其中一個樂趣就係隔住吧檯欣賞師傅們每一道工序。係用餐前，一位師傅在木板上面現磨山葵泥，另一位師傅就低頭切葱絲。蕃茄寒天、汁煮黑梅貝 ⋯｝一開始先食咗蕃茄寒天開胃，咬落有少少似啫喱，旁邊嘅時令貝類係黑梅貝，入口鮮甜彈牙！毛蟹茶碗蒸⋯｝熱辣辣又超滑溜嘅蒸蛋，加上毛蟹嘅鮮甜，忍唔住好快食完！白子 わかめ 芽ねぎ⋯｝白雪雪嘅白子唔係個個敢食，其實食落
一早預約左，去到舖頭店員就已經招呼到吧檯前坐低，弧形吧檯大概可以坐12人，仲有高私隱度VIP房。店內裝修以簡約木系同灰色為主，近門口有一大個酒櫃，有唔少細節位都突顯設計師心思。除咗洗手間、儲物櫃等全部隱藏於木門後面，保持店內設計一致性，其中一面牆裝咗大型LED屏幕，顯示楓樹帶出秋意，呼應一陣將會送到客人面前嘅時令食材！
同師傅打咗招呼就坐低係中間位置，食omakase其中一個樂趣就係隔住吧檯欣賞師傅們每一道工序。係用餐前，一位師傅在木板上面現磨山葵泥，另一位師傅就低頭切葱絲。
蕃茄寒天、汁煮黑梅貝 ⋯｝一開始先食咗蕃茄寒天開胃，咬落有少少似啫喱，旁邊嘅時令貝類係黑梅貝，入口鮮甜彈牙！
毛蟹茶碗蒸⋯｝熱辣辣又超滑溜嘅蒸蛋，加上毛蟹嘅鮮甜，忍唔住好快食完！
白子 わかめ 芽ねぎ⋯｝白雪雪嘅白子唔係個個敢食，其實食落好似奶油咁creamy同滑，入口即溶，師傅配以微酸醬汁伴芽蔥、海帶，除咗辟腥亦更能突顯白子嘅鮮味！
鮟鱇魚肝 西瓜奈良漬⋯｝秋天當季嘅魚肝非常飽滿，口感綿密軟嫩，而切成條狀嘅奈良漬入口酸甜爽脆，係絕妙嘅平衡感！
甘鯛立鱗燒⋯｝魚鱗都可以食！魚塊上面嘅鱗片炸到酥脆，而魚肉就保持嫩滑多汁，又係一道功夫菜！
當食完前菜之後，師傅就揀咗八款壽司料，處理完就放喺碟上面逐一介紹。
赤鯥（喉黒）⋯｝魚皮稍微用火炙燒，加上少少青椒，淡淡焦香，鬆軟嘅魚肉油脂好豐富！
北海道帶子⋯｝帶子切成獨特嘅形狀，味道甘甜超彈牙，配清爽柚子同即磨岩鹽，回味無窮！
小鰭⋯｝銀色表皮，魚肉用鹽和醋醃漬過，肉較薄，質地柔軟，順口微酸。
竹筴魚⋯｝肉厚鮮美，肉質較為爽口，加上紫蘇葉同蔥，口味好特別！
秋刀魚⋯｝今日嘅秋刀魚配薑蓉較為清爽，帶淡淡嘅油脂。
青森大間鮪魚⋯｝青森縣大間產嘅鮪魚，特別揀選咗霜降位，平均分布嘅脂肪睇到好治癒，入口即化，美味到難以形容！
熟成赤身⋯｝熟成赤身魚味更加濃厚，更具風味！
北海道海膽軍艦⋯｝用咗來自北海道最高級新鮮海膽，每片海膽都非常飽滿，入口充滿鮮味同濃稠感，甘甜味道，芳香四溢。
蔥拖羅蓉手卷⋯｝由師傅手中直接送到客人手中，記得要即刻食！老字號得獎紫菜果然香脆，包住滿滿嘅拖羅蓉同埋日本蔥，啖啖都好滿足！
玉子燒⋯｝食埋微甜又有層次嘅玉子燒真係好滿足。
食甜品前就上埋個麵豉湯清一清味蕾，然後我哋就揀咗紅豆同抹茶味雪糕，個人好推薦紅豆味，超清甜又有紅豆香，同店員傾開原來夜晚過嚟會有茅台配雪糕，好想試呀！
今次用餐氣氛好輕鬆，既感受到壽司師傅嘅職人精神，又享受到時令食材同驚喜調味方式，期待下一次嘅omakase！
张贴
