Burgeroom (已搬遷) 新店位置

聴過好幾個朋友都讚好,連TVB飲食節目都介紹,一定有它過人之處,決定去一試。它位於舒適嘅加路連山道(在銅鑼灣來講,加路連山道絕對給我一種悠閒舒適嘅感覺),店子不大,但就很有外國Feel。望望menu,價錢都算是中價嘅漢堡,但就真係比佢一些特色漢堡吸引着,好多款都想試試。最後還是選了一個叫“大烤菇芝士牛肉漢堡”,這是店員嘅推介,說是熱賣嘅款式,多點了一個芝士條小食。先來了芝士條,溶咗嘅芝士包在脆皮內,真係好mozzarella feel,mozzarella cheese可以拉到好長,芝士味唔會好重,很好地發揮咗mozzarella嘅特質,有得玩有得食,唔錯唔錯。戲肉係大烤菇芝士牛肉漢堡,都幾大個,未食已經聞到好香嘅菇味。先講牛肉,肉汁很強勁,肉質很natural,不像那些快餐連鎖店嘅咁,調味料味很重那樣子,它嘅牛肉已經令我覺得值回票價;加上有一隻巨大多汁嘅烤菇,真係好好味啊!也看得出這小店做漢堡嘅認真,bun是均衡咁toasted過,連生菜都用romaine,都是第一次見有burger shop用romaine做burger。唔怪得係我用餐嘅過程中,不斷都見到有一些熟客再去光顧它們啦!