我唔係打手，無收錢的，呢個係發自內心深處真心推薦，呢間burger係真心世界級好食！！！係性價比極高！！呢間午餐時段先講緊最平$66元一個餐，有burger，芝士薯角，有一罐飲品送，個人推薦經典漢堡套餐，係超級爆炸地好食！第一次食真係好食到呼吸唔到，差啲往生！肉汁好豐富，然後有肉香，然後個包皮係有烘過，再加牛油。講緊$66咋，個包好食到d汁滴哂岀黎。薯角佢比一盒點唔哂嘅芝士醬，配埋，真係一秒上天堂！無誇張！請大家去試下，間店係黑色設計，唔係好起眼的，希望大家比次機會佢，我真係好想之後有得食，所以寫食評支持佢，希望佢可以長做長有，咁高質又咁平真係好少有，同埋，請大家諗下，如果你假設我係打手，你覺得唔好食，你都只不過比人呃左$66姐。真心，係值得一試！！
請大家試下，用心，真心，誠意推薦！！！真係好好食架！😎😎😎😎😎😎😎😎
以上食记乃用户个人意见 , 并不代表OpenRice之观点。
赞好
用餐日期
2020-12-23
等候时间
10 分钟 (外卖自取)
人均消费
$70 (午餐)
庆祝纪念
圣诞节
